కేరళలో మళ్లీ కొవిడ్‌ భయం

వ్యాధి నిరోధక వ్యవస్థకు దొరక్కుండా వేగంగా వ్యాపించే కొవిడ్‌ సబ్‌ వేరియంట్‌ జేఎన్‌.1 కేరళలో వెలుగు చూసింది.

• వెలుగు చూసిన కొత్త సబ్‌ వేరియంట్‌ జేఎన్‌.1

న్యూఢిల్లీ: వ్యాధి నిరోధక వ్యవస్థకు దొరక్కుండా వేగంగా వ్యాపించే కొవిడ్‌ సబ్‌ వేరియంట్‌ జేఎన్‌.1 కేరళలో వెలుగు చూసింది. లేబరేటరీ ఇండియా సార్స్‌ కొవిడ్‌-2 జెనోమిక్స్‌ కన్సార్టియం చీఫ్‌ ఆరోరా మాట్లాడుతూ ఇది బీఏ.2.86 సబ్‌ వేరియంట్‌ అని, ఈ ఏడాది సెప్టెంబర్‌లో అమెరికాలో తొలి కేసు వెలుగు చూడగా, కేరళలో నవంబర్‌లో అడుగుపెట్టిందని చెప్పారు.

దీని వలన ఎవరికీ ప్రాణాపాయ పరిస్థితులు ఏర్పడలేదని దవాఖానలో చేరలేదని చెప్పారు. ఐఎంఏ జాతీయ కొవిడ్‌ టాస్క్‌ ఫోర్స్‌ కో-చైర్మన్‌ జయదేవన్‌ మాట్లాడుతూ అంతర్జాతీయ ప్రయాణికుల కారణంగా ఇది కేరళకు వచ్చి ఉంటుందన్నారు.