Snapchat | తండ్రి స్నాప్‌చాట్‌ వద్దన్నాడని..16 ఏళ్ల బాలిక సూసైడ్‌

Snapchat | ప్రముఖ మెసేజింగ్‌ యాప్‌ స్నాన్‌చాట్‌ను వాడొద్దని తండ్రి మందలించినందుకు 16 ఏళ్ల బాలిక బలవన్మరణానికి పాల్పడింది.

Snapchat | ఇటీవలే కాలంలో యువత చిన్న చిన్న విషయాలకే కఠిన నిర్ణయాలు తీసుకుంటున్నారు. పరీక్షల్లో ఫెయిల్‌ అయ్యామనో.. తాము చేస్తున్న పనులకు ఇంట్లో వాళ్లు అడ్డుచెప్పారన్న కారణాలతో బలవన్మరణాలకు పాల్పడుతున్నారు. తాజాగా మహారాష్ట్ర (Maharashtra) థానే (Thane)లోనూ ఇలాంటి తరహా ఘటనే చోటు చేసుకుంది.

ప్రముఖ మెసేజింగ్‌ యాప్‌ స్నాన్‌చాట్‌ను వాడొద్దని తండ్రి మందలించినందుకు 16 ఏళ్ల బాలిక బలవన్మరణానికి పాల్పడింది. థానే జిల్లాలోని డోంబివిలీ ప్రాంతంలోని శుక్రవారం రాత్రి ఈ ఘటన చోటు చేసుకుంది. 16 ఏళ్ల బాలిక తన ఫోన్‌ (mobile phone)లో స్నాప్‌చాట్‌ (Snapchat) అప్లికేషన్‌ను డౌన్‌లోడ్‌ చేసుకుంది. ఇది చూసిన బాలిక తండ్రి ఆమెను సున్నితంగా మందలించాడు. స్నాప్‌చాట్‌ను వాడొద్దని సూచించాడు. తండ్రి మాటలకు ఆగ్రహానికి గురైన సదరు బాలిక క్షణికావేశంలో కఠిన నిర్ణయం తీసుకుంది. రాత్రి తన గదిలో ఫ్యాన్‌కు ఉరేసుకుని (hangs self) బలవన్మరణానికి పాల్పడింది.

ఉదయం గది తలుపులు తెరవకపోడంతో అనుమానం వచ్చిన కుటుంబ సభ్యులు డోర్లు బద్దలు కొట్టి చూడగా.. అప్పటికే బాలిక ఫ్యాన్‌కు విగతజీవిగా వేలాడుతూ కనిపించింది. సమాచారం అందుకున్న మాన్‌పాడ పోలీసులు వెంటనే ఘటనాస్థలికి చేరుకుని పరిశీలించారు. మృతదేహాన్ని పోస్టుమార్టం నిమిత్తం స్థానిక ప్రభుత్వ ఆసుపత్రికి తరలించారు. ఈ మేరకు ప్రమాదవశాత్తు మృతిగా కేసు నమోదు చేసుకుని దర్యాప్తు చేస్తున్నారు.

Also Read..

INDIA bloc | ప్రొటెం స్పీకర్‌ ఎన్నికకు నిరసనగా.. రాజ్యాంగ ప్రతితో పార్లమెంట్‌కు చేరుకున్న ఇండియా కూటమి ఎంపీలు

Lok Sabha | లోక్‌సభ సమావేశాలు ప్రారంభం.. ఎంపీగా ప్రమాణం చేసిన మోదీ

PM Modi | మూడో దఫాలో మూడు రెట్లు అధికంగా పనిచేస్తాం : ప్రధాని మోదీ