World Chess Champion Gukesh: గుకేశ్‌కు 5 కోట్ల క్యాష్‌ప్రైజ్ ప్ర‌క‌టించిన సీఎం స్టాలిన్

World Chess Champion Gukesh: గుకేశ్‌కు 5 కోట్లు ఇవ్వ‌నున్న‌ది త‌మిళ‌నాడు స‌ర్కారు. చెస్‌మాస్ట‌ర్ గుకేశ్‌కు భారీ న‌జ‌రానా ప్ర‌క‌టించారు సీఎం స్టాలిన్. విశ్వ‌విజేత టైటిల్ గెలిచిన గుకేశ్‌తో సీఎం స్టాలిన్ ఫోన్‌లో సంభాషించారు.

చెన్నై: ఫిడే ప్ర‌పంచ చెస్ చాంపియ‌న్‌షిప్ టైటిల్ గెలిచిన దొమ్మ‌రాజు గుకేశ్‌(World Chess Champion Gukesh)కు.. 5 కోట్లు క్యాష్ ప్రైజ్‌ ఇవ్వ‌నున్న‌ట్లు త‌మిళ‌నాడు సీఎం స్టాలిన్ ప్ర‌క‌టించారు. సింగ‌పూర్‌లో జ‌రిగిన వ‌ర‌ల్డ్ చెస్ టోర్నీలో.. గుకేశ్ విశ్వ‌విజేత‌గా నిలిచిన విష‌యం తెలిసిందే. భార‌త గ్రాండ్‌మాస్ట‌ర్ గుకేశ్‌తో ఫోన్‌లో మాట్లాడారు సీఎం స్టాలిన్‌. వ‌ర‌ల్డ్ టైటిల్ సాధించిన గుకేశ్‌ను ఆయ‌న మెచ్చుకున్నారు. డిప్యూటీ సీఎం ఉద‌య‌నిధి స్టాలిన్ చేసిన సూచ‌న‌ను స్వీక‌రిస్తున్న‌ట్లు సీఎం స్టాలిన్ తెలిపారు. చెస్ టైటిల్ విజేత గుకేశ్‌కు 5 కోట్ల క్యాష్ ప్రైజ్‌ ఇచ్చేందుకు ప్ర‌భుత్వం సిద్ద‌మైంద‌న్నారు. 18 ఏళ్ల వ‌య‌సులోనే చాంపియ‌న్ అయ్యాడు గుకేశ్‌. ఆ టైటిల్‌ను అందుకున్న అతిపిన్న వ‌య‌స్కుడిగా అత‌ను రికార్డు సృష్టించాడు.

To honour the monumental achievement of @DGukesh, the youngest-ever World Chess Champion, I am delighted to announce a cash prize of ₹5 crore!

His historic victory has brought immense pride and joy to the nation. May he continue to shine and achieve greater heights in the… pic.twitter.com/3h5jzFr8gD

— M.K.Stalin (@mkstalin) December 13, 2024