Supreme Court | దానిపై అంత భావోద్వేగం అక్కర్లేదు.. ‘అశోకచక్రం’పై పిటిషన్‌ను కొట్టివేసిన సుప్రీంకోర్టు

Supreme Court | జాతీయపతాకం (National Flag) పై అశోక చక్రం (Ashoka Chakra) ను ఎలా చూపాలన్న దానిపై దాఖలైన పిటిషన్‌ను సుప్రీంకోర్టు (Supreme Court) కొట్టేసింది. ఈ అంశంపై విచారణకు అత్యున్నత న్యాయస్థానం నిరాకరించింది. సమాజానికి ఉపయోగపడే అంశాలను ధర్మాసనం ముందుకు తీసుకురావచ్చు కదా అంటూ పిటిషనర్‌పై ధర్మాసనం అసహనం వ్యక్తంచేసింది.

Supreme Court : జాతీయపతాకం (National Flag) పై అశోక చక్రం (Ashoka Chakra) ను ఎలా చూపాలన్న దానిపై దాఖలైన పిటిషన్‌ను సుప్రీంకోర్టు (Supreme Court) కొట్టేసింది. ఈ అంశంపై విచారణకు అత్యున్నత న్యాయస్థానం నిరాకరించింది. సమాజానికి ఉపయోగపడే అంశాలను ధర్మాసనం ముందుకు తీసుకురావచ్చు కదా అంటూ పిటిషనర్‌పై ధర్మాసనం అసహనం వ్యక్తంచేసింది. ఉత్తరప్రదేశ్‌లోని వారణాసిలో ఓ కూడలిలో ఉంచిన అశోక చక్రాన్ని ఉదహరిస్తూ పిటిషనర్‌ ఈ వ్యాజ్యాన్ని దాఖలు చేశారు.

దీనిపై భారత ప్రధాన న్యాయమూర్తి జస్టిస్‌ సూర్యకాంత్‌ నేతృత్వంలోని ధర్మాసనం స్పందిస్తూ.. ఇలాంటి విషయాల్లో భావోద్వేగానికి గురికావాల్సిన అవసరం లేదని వ్యాఖ్యానించింది. పిటిషనర్‌ ఆలోచన మంచిదేనని, కానీ దీనిపై సంబంధిత అధికారులతో చర్చిస్తే సరిపోయేదని, దానిపై అధికారులు ఎలాంటి చర్యలు తీసుకుంటారో చూడాల్సిందని అసహనం వెలిబుచ్చింది. సమాజానికి ఉపయోగపడే పనులు, నిర్మాణాత్మకమైన పనులను చేయాలని ఈ సందర్భంగా పిటిషనర్‌కు సూచించింది.