APAAR ID | అపార్ ఐడీ స‌మ్మ‌తి ప‌త్రాన్ని జాతీయ‌స్థాయిలో స‌వ‌రించాలి.. సీబీఎస్ఈకి సుప్రీంకోర్టు సూచ‌న‌..!

APAAR ID | అపార్ ఐడీ (APAAR ID) స‌మ్మ‌తి ప‌త్రాన్ని (Consent Form) జాతీయ‌స్థాయిలో స‌వ‌రించాల‌ని సెంట్ర‌ల్ బోర్డు ఆఫ్ సెకండ‌రీ ఎడ్యుకేష‌న్‌ (CBSE) కు సుప్రీంకోర్టు (Supreme Court) సూచించింది. అపార్ ఐడీ క‌న్సెంట్ ఫామ్‌పై ఒరిస్సా హైకోర్టు (Orissa High Court) ఇచ్చిన ఆదేశాలను దేశవ్యాప్తంగా అమలు చేయాలని సెంట్రల్ బోర్డ్ ఆఫ్ సెకండరీ ఎడ్యుకేషన్ (CBSE) ను ఆదేశించ‌నున్న‌ట్లు సుప్రీంకోర్టు సోమవారం తెలిపింది.

APAAR ID : అపార్ ఐడీ (APAAR ID) స‌మ్మ‌తి ప‌త్రాన్ని (Consent Form) జాతీయ‌స్థాయిలో స‌వ‌రించాల‌ని సెంట్ర‌ల్ బోర్డు ఆఫ్ సెకండ‌రీ ఎడ్యుకేష‌న్‌ (CBSE) కు సుప్రీంకోర్టు (Supreme Court) సూచించింది. అపార్ ఐడీ క‌న్సెంట్ ఫామ్‌పై ఒరిస్సా హైకోర్టు (Orissa High Court) ఇచ్చిన ఆదేశాలను దేశవ్యాప్తంగా అమలు చేయాలని సెంట్రల్ బోర్డ్ ఆఫ్ సెకండరీ ఎడ్యుకేషన్ (CBSE) ను ఆదేశించ‌నున్న‌ట్లు సుప్రీంకోర్టు సోమవారం తెలిపింది. పిటిషనర్లు లేవనెత్తిన తల్లిదండ్రుల సమ్మతి, డేటా పరిరక్షణకు సంబంధించిన ఆందోళనలను కూడా CBSE పరిశీలించాలని కోర్టు త‌న ఆదేశాల్లో పేర్కొన్న‌ది.

అపార్ ఐడీ పథకం చెల్లుబాటును సవాల్‌ చేస్తూ నలుగురు విద్యార్థుల తల్లిదండ్రులు దాఖలు చేసిన పిటిషన్‌ను భారత ప్రధాన న్యాయమూర్తి (CJI) సూర్యకాంత్, జస్టిస్‌ జయమాల్య బాగ్చి, జ‌స్టిస్ వీ మోహనలతో కూడిన ధర్మాసనం విచారించింది. ఈ పథకం విద్యార్థులను ఆధార్ పొందడాన్ని తప్పనిసరి చేస్తోందని, గోప్యతపై ఆందోళనలను రేకెత్తిస్తోందని పిటిషన్‌లో వాదించారు. జాతీయ విద్యా విధానం-2020 కింద ప్రవేశపెట్టిన అపార్.. ప్రతి విద్యార్థికి మార్క్‌షీట్లు, సర్టిఫికెట్లు, ఇతర విజయాలు వంటి విద్యా సంబంధిత రికార్డులను డిజిటల్‌గా నిల్వ చేయడానికి ఒక ప్రత్యేకమైన 12-అంకెల జీవితకాల గుర్తింపు సంఖ్యను అందిస్తుంది.

2025 డిసెంబ‌ర్‌లో ఒరిస్సా హైకోర్టు ఇచ్చిన తీర్పును కేంద్రం సవాలు చేయలేదని, అందువల్ల దాని ఆదేశాలను దేశవ్యాప్తంగా అమలు చేయాలని సుప్రీంకోర్టు ధర్మాసనం పేర్కొన్న‌ది.