ఎన్‌సీకి షాక్‌.. పార్టీకి శ్రీనగర్‌ ఎంపీ రాజీనామా

జమ్ముకశ్మీర్‌ ముఖ్యమంత్రి ఒమర్‌ అబ్దుల్లాకు రాజకీయంగా ఎదురుదెబ్బ తగిలింది. అధికార నేషనల్‌ కాన్ఫరెన్స్‌కు చెందిన శ్రీనగర్‌ ఎంపీ ఆగా సయ్యద్‌ రుహుల్లా మెహదీ పార్టీని వీడుతున్నట్లు ప్రకటించారు.

శ్రీనగర్‌: జమ్ముకశ్మీర్‌ ముఖ్యమంత్రి ఒమర్‌ అబ్దుల్లాకు రాజకీయంగా ఎదురుదెబ్బ తగిలింది. అధికార నేషనల్‌ కాన్ఫరెన్స్‌కు చెందిన శ్రీనగర్‌ ఎంపీ ఆగా సయ్యద్‌ రుహుల్లా మెహదీ పార్టీని వీడుతున్నట్లు ప్రకటించారు. మంగళవారం బుద్గాంలో జరిగిన బహిరంగ సభలో ఈ విషయాన్ని వెల్లడించారు.

2024 అసెంబ్లీ ఎన్నికల సమయంలో ఇచ్చిన హామీలను ఒమర్‌ అబ్దుల్లా ప్రభుత్వం నెరవేర్చలేదని ఆయన కొంతకాలంగా విమర్శిస్తున్నారు. ముఖ్యంగా ఆర్టికల్‌ 370 పునరుద్ధరణ, జమ్ముకశ్మీర్‌ రాజ్యాంగ హక్కుల పరిరక్షణ, ఖైదీల విడుదల వంటి అంశాల్లో ప్రభుత్వం విఫలమైందని ఆరోపించారు.