Snowfall | ఎట్టకేలకు గుల్మార్గ్‌పై మంచు దుప్పటి.. శ్వేత వర్ణాన్ని సంతరించుకున్న స్కీ రిసార్ట్‌

Snowfall | ప్రముఖ పర్యాటక ప్రాంతం గుల్మార్గ్‌లో చాలా రోజుల తర్వాత మంచు కురవడం ప్రారంభమైంది. గుల్మార్గ్‌ స్కీ రిసార్ట్‌ పట్టణం (Ski resort town)లో తాజాగా తేలికపాటి మంచు కురుస్తోంది.

January 26, 2024 / 12:38 PM IST

Snowfall | ఎట్టకేలకు గుల్మార్గ్‌పై మంచు దుప్పటి.. శ్వేత వర్ణాన్ని సంతరించుకున్న స్కీ రిసార్ట్‌

Snowfall | భూతల స్వర్గం క‌శ్మీర్ అంటే ముందుగా గుర్తొచ్చేది మంచు (Snow), చల్లటి వాతావరణం. శీతాకాలం (Winter)లో విపరీతమైన మంచులో పర్యాటకులు తెగ ఎంజాయ్‌ చేస్తుంటారు. అయితే, ఎన్నడూ లేని విధంగా ఈ ఏడు వింటర్‌లో అక్కడ మంచు కురవలేదు. నిత్యం టూరిస్ట్‌లను తెగ అట్రాక్ట్‌ చేసే గుల్మార్గ్‌ (Gulmarg)లో మంచు మాయమైంది. అక్కడ హిమపాతం లేకపోవడం స్థానికుల్ని, యాత్రికుల్ని తీవ్ర కలవరానికి గురిచేసింది.

ఈ నేపథ్యంలో ఎట్టకేలకు చాలా రోజుల తర్వాత తాజాగా అక్కడ మంచు కురవడం ప్రారంభమైంది. గుల్మార్గ్‌ స్కీ రిసార్ట్‌ పట్టణం (Ski resort town)లో తాజాగా తేలికపాటి మంచు కురుస్తోంది. దీంతో చాలా రోజుల తర్వాత ఆ ప్రాంతం శ్వేత వర్ణాన్ని సంతరించుకుంది. ఇందుకు సంబంధించిన వీడియో ప్రస్తుతం వైరల్‌ అవుతోంది. ఇది చూసిన పర్యాటకులు ఆనందం వ్యక్తం చేస్తున్నారు.