వేధిస్తున్నాడని నిరసన తెలిపితే.. యువతి ముక్కు కోసిన సర్పంచ్‌

Sarpanch | ఊరి ప్రజలకు రక్షణగా ఉండాల్సిన సర్పంచే (Sarpanch) అమ్మాయిలను వేధించాడు. తమను వేధిస్తున్నాడని అతని ఇంటిముందు నిరసనకు దిగిన యువతి ముక్కు కోశాడు. ఈ దారుణ ఘటన బీహార్‌లో జరిగింది.

పట్న: ఊరి ప్రజలకు రక్షణగా ఉండాల్సిన సర్పంచే (Sarpanch) అమ్మాయిలను వేధించాడు. తమను వేధిస్తున్నాడని అతని ఇంటిముందు నిరసనకు దిగిన యువతి ముక్కు కోశాడు. ఈ దారుణ ఘటన బీహార్‌లో జరిగింది.

బీహార్‌లోని సుపౌల్‌ జిల్లా లోధ్‌లో ఆ గ్రామ సర్పంచ్‌ తమను ఇబ్బందులకు గురిచేస్తున్నాడని ముగ్గురు యువతులు ఆరోపించారు. అతని ఇంటి ముందు ధర్నాకు దిగారు. దీంతో అతనికి చిర్రెత్తుకొచ్చిందో ఏమో.. నిరసనకు దిగిన ఓ అమ్మాయి ముక్కు కోసేశాడు. అక్కడే ఉన్న వారి కుటుంబీకులు ఆమెను దవాఖానకు తరలించారు. అనంతరం సర్దార్‌ పోలీస్‌ స్టేషన్‌లో సర్పంచ్‌పై ఫిర్యాదు చేశారు.

కాగా, తనపై, తన మద్ధతుదారులపై బాలికల కుటుంబ సభ్యులు దాడిచేశారని ఆరోపిస్తూ గ్రామ సర్పంచ్‌ ప్రతిగా కేసు పెట్టాడు. దీంతో ఈ ఘటనపై పోలీసులు దర్యాప్తు చేస్తున్నారు.