S Jaishankar: తాలిబ‌న్ విదేశాంగ మంత్రితో మాట్లాడిన మంత్రి జైశంక‌ర్

S Jaishankar: ఆఫ్ఘ‌నిస్తాన్‌లో ప్ర‌భుత్వాన్ని నెల‌కొల్పిన తాలిబ‌న్ నేత‌ల‌తో విదేశాంగ మంత్రి ఎస్ జైశంక‌ర్ ముచ్చ‌టించారు. ఆఫ్ఘ‌న్ విదేశాంగ మంత్రి అమిర్ ఖాన్ ముత్తాకితో జైశంక‌ర్ సంభాషించారు. ఫోన్‌కాల్‌కు చెందిన విష‌యాన్ని మంత్రి జైశంక‌ర్ త‌న ఎక్స్ అకౌంట్‌లో వెల్ల‌డించారు.

న్యూఢిల్లీ: విదేశాంగ విధానంలో కొత్త అధ్యాయాన్ని లిఖించారు విదేశాంగ మంత్రి ఎస్ జైశంక‌ర్‌(S Jaishankar). ఆఫ్ఘ‌నిస్తాన్‌లో ప్ర‌భుత్వాన్ని నెల‌కొల్పిన తాలిబ‌న్ నేత‌ల‌తో ఆయ‌న ముచ్చ‌టించారు. ఆఫ్ఘ‌న్ విదేశాంగ మంత్రి అమిర్ ఖాన్ ముత్తాకితో జైశంక‌ర్ సంభాషించారు. ఫోన్‌కాల్‌కు చెందిన విష‌యాన్ని మంత్రి జైశంక‌ర్ త‌న ఎక్స్ అకౌంట్‌లో వెల్ల‌డించారు. ఆఫ్ఘ‌నిస్తాన్‌లో తాలిబ‌న్ ప్ర‌భుత్వం ఏర్ప‌డిన త‌ర్వాత తొలిసారి ఆ దేశ మంత్రితో భార‌త్ మంత్రుల స్థాయిలో సంబాష‌ణ‌లు నిర్వ‌హించింది.

పెహ‌ల్గామ్ దాడిని ఆఫ్ఘ‌నిస్తాన్ విదేశాంగ మంత్రి ముత్తాకి ఖండించిన‌ట్లు మంత్రి జైశంక‌ర్ త‌న ట్వీట్‌లో వెల్ల‌డించారు. ఆఫ్ఘ‌న్‌, ఇండియా మ‌ధ్య త‌ప్పుడు నివేదిక‌లో చిచ్చు పెట్టే ప్ర‌య‌త్నం చేసిన ఘ‌ట‌న‌ల‌ను ఆయ‌న తిర‌స్క‌రించిన‌ట్లు మంత్రి తెలిపారు. ఆఫ్ఘ‌న్ ప్ర‌జ‌ల‌తో ఉన్న‌ సంప్ర‌దాయ స్నేహాన్ని గుర్తు చేశామ‌న్నారు.అభివృద్ధి ప‌నుల‌కు నిత్యం స‌హ‌కారం ఉంటుంద‌న్నారు. స‌హ‌కారాన్ని ముందుకు తీసుకెళ్లేందుకు కావాల్సిన అన్ని విధానాల‌ను చ‌ర్చించిన‌ట్లు ఆయ‌న చెప్పారు.

Good conversation with Acting Afghan Foreign Minister Mawlawi Amir Khan Muttaqi this evening.

Deeply appreciate his condemnation of the Pahalgam terrorist attack.

Welcomed his firm rejection of recent attempts to create distrust between India and Afghanistan through false and…

— Dr. S. Jaishankar (@DrSJaishankar) May 15, 2025