Adil Khan Durrani | ప్రముఖ బాలీవుడ్ వివాదాస్పద నటి రాఖీ సావంత్ మాజీ భర్త ఆదిల్ ఖాన్ దురానీ (Adil Khan Durrani) మరో వివాహం చేసుకున్నాడు. బిగ్ బాస్ 12 కంటెస్టెంట్ (Bigg Boss 12 Contestant) సోమి ఖాన్ (Somi Khan)ను మనువాడాడు. ఈ విషయాన్ని ఆదిల్ దురానీ తాజాగా ప్రకటించారు. తాను ఈ నెల 3న వివాహం చేసుకున్నట్లు సోషల్ మీడియా ద్వారా వెల్లడించాడు. పెళ్లి ఫొటోలను కూడా ఇన్స్టాగ్రామ్లో షేర్ చేశాడు. కుటుంబ సభ్యులు, అతికొద్ది మంది బంధుమిత్రుల సమక్షంలో వివాహం ఎంతో ఘనంగా జరిగినట్లు చెప్పాడు. భార్యాభర్తలుగా కొత్త ప్రయాణాన్ని ప్రారంభించాలనుకున్న తమని ఆశీర్వదించండి అంటూ పోస్టు పెట్టాడు. ప్రస్తుతం ఈ ఫొటోలు వైరల్ అవుతున్నాయి. ఇది చూసిన నెటిజన్లు షాక్ అవుతున్నారు. కొత్త జంటకు శుభాకాంక్షలు తెలుపుతున్నారు.
రాఖీ సావంత్, ఆదిల్ రహస్యంగా పెళ్లి చేసుకున్న విషయం తెలిసిందే. తాము పెళ్లి చేసుకున్నాం అంటూ గతేడాది జనవరిలో ప్రకటించారు. అయితే వీరి వివాహబంధం ఎన్నో రోజులు కొనసాగలేదు. ఆరు నెలలైనా తిరక్కముందే వివాహ బంధానికి ముగింపు పలికారు. ఆదిల్ తనను మోసం చేశాడంటూ రాఖీ పోలీసులను ఆశ్రయించింది. తనను హింసిస్తున్నాడంటూ ఫిర్యాదు చేసింది. తన డబ్బును కూడా యథేచ్ఛగా వాడుకుంటున్నాడని ఆరోపించింది. దీంతో పోలీసులు ఆదిల్ను అరెస్ట్ చేశారు. ఐదు నెలల తర్వాత జైలునుంచి విడుదలైన ఆదిల్.. ఇప్పుడు రెండో పెళ్లి చేసుకొని అందిరికీ షాక్ ఇచ్చాడు.
Also Read..
Rupert Murdoch | లేటు వయసులో ఘాటు ప్రేమ.. ఐదో పెళ్లికి సిద్ధమైన 93 ఏళ్ల బిలియనీర్
Sudha Murty | ఇదో కొత్త బాధ్యతగా భావిస్తున్నా.. రాజ్యసభకు నామినేట్ కావడంపట్ల సుధామూర్తి రియాక్షన్
Sudha Murty | రాజ్యసభకు నామినేట్ అయిన సుధామూర్తి.. నారీ శక్తికి నిదర్శనం అంటూ మోదీ ట్వీట్