Modi 3.0 | సురక్షిత, సుసంపన్న భారత్‌ ఆవిష్కరణ : రాజ్‌నాథ్‌ సింగ్‌

Modi 3.0 : మోదీ ౩.౦లో రక్షణ మంత్రిగా రాజ్‌నాథ్ సింగ్‌ గురువారం పదవీ బాధ్యతలు స్వీకరించారు. ఈ సందర్భంగా ఆయన మాట్లాడుతూ రాబోయే ఐదేండ్లలో తన విజన్‌ గురించి వివరించారు.

Modi 3.0 : మోదీ ౩.౦లో రక్షణ మంత్రిగా రాజ్‌నాథ్ సింగ్‌ గురువారం పదవీ బాధ్యతలు స్వీకరించారు. ఈ సందర్భంగా ఆయన మాట్లాడుతూ రాబోయే ఐదేండ్లలో తన విజన్‌ గురించి వివరించారు. మరింత భద్రమైన, స్వయం సమృద్ధితో కూడిన సుసంపన్న భారత్ ఆవిష్కారానికి కృషి సాగిస్తామని తెలిపారు.

ప్రధాని నరేంద్ర మోదీ నేతృత్వంలో రక్షణ పరికరాలు, సాయుధ దళాల ఆధునికీకరణ, సైనిక సంక్షేమం వంటి రంగాల్లో ప్రధానంగా తాము దృష్టి కేంద్రీకరిస్తామని మంత్రి పేర్కొన్నారు. రాబోయే సంవత్సరాల్లో డిఫెన్స్‌ ఎగుమతులను భారీగా పెంచే లక్ష్యంగా ముందుకు సాగుతామని వివరించారు.

2023-24 ఆర్ధిక సంవత్సరంలో రక్షణ రంగ ఎగుమతులు రూ. 21083 కోట్లకు చేరుకున్నాయని 2028-29 నాటికి రూ. 50,000 కోట్ల ఎగుమతుల లక్ష్యంగా పనిచేస్తామని తెలిపారు. సాయుధ దళాలు అన్ని సవాళ్లను దీటుగా ఎదుర్కొనేందుకు అత్యాధునిక ఆయుధాలు సమకూరుస్తామని చెప్పారు.

Read More :

Ice Cream | కోన్‌ ఐస్‌క్రీమ్‌లో మనిషి వేలు.. ముంబై వైద్యుడికి ఊహించని అనుభవం