ముంబై: ఫంక్షన్ హాల్ ఆఫీస్ రూమ్లో ఒక బాలుడు మొబైల్లో గేమ్ ఆడుతున్నాడు. ఇంతలో ఒక చిరుత ఆ గదిలోకి ప్రవేశించింది. చిరుతను చూసి ఆ బాలుడు షాక్ అయ్యాడు. అయితే ఏ మాత్రం భయపడకుండా చాకచక్యంగా వ్యవహరించాడు. మెల్లగా ఆ గది నుంచి బయటకు వచ్చి డోర్ లాక్ చేశాడు. (Boy Locks Leopard In Room) ఈ వీడియో క్లిప్ సోషల్ మీడియాలో వైరల్ అయ్యింది. మహారాష్ట్రలోని నాసిక్ జిల్లాలో ఈ సంఘటన జరిగింది. మంగళవారం ఉదయం 7 గంటలకు మాలేగావ్లోని వెడ్డింగ్ హాల్ ఆఫీస్లో 12 ఏళ్ల మోహిత్ అహిరే మొబైల్లో గేమ్ ఆడుతున్నాడు. ఇంతలో ఒక చిరుత ఆ రూమ్లోకి ప్రవేశించింది.
కాగా, చిరుతను చూసి మోహిత్ అహిరే తొలుత భయపడ్డాడు. అయితే ఆ బాలుడు వెంటనే తెలివిగా వ్యవహరించాడు. మెల్లగా ఆ రూమ్ నుంచి బయటకు వెళ్లాడు. ఆ వెంటనే డోర్ లాక్ చేశాడు. తండ్రి వద్దకు వెళ్లి చిరుత సంగతి చెప్పాడు. దీంతో పోలీసులు, అటవీశాఖ అధికారులకు సమాచారం ఇచ్చారు. వారు అక్కడకు చేరుకుని మత్తు ఇంజెక్షన్ ఇచ్చి ఆ చిరుతను బంధించారు. మరోవైపు ఆ బాలుడు చాకచక్యంగా చిరుత బారి నుంచి తప్పించుకుని దానిని బంధించిన సీసీటీవీ వీడియో క్లిప్ సోషల్ మీడియాలో వైరల్ అయ్యింది.
#Nashik: Quick-Thinking 12-Year-Old Locks #Leopard In Room, CCTV Footage Goes Viral#Maharashtra pic.twitter.com/lFJDmNmcDS
— Free Press Journal (@fpjindia) March 6, 2024