PM Narendra Modi | ఎన్డీఏ పట్ల ప్రజలకు విశ్వాసం.. చారిత్రం అన్న మోదీ.. !

PM Narendra Modi | వరుసగా మూడోసారి సార్వత్రిక ఎన్నికల్లో ఎన్డీఏ కూటమిని గెలిపించినందుకు దేశ ప్రజలకు ప్రధాని నరేంద్రమోదీ ధన్యవాదాలు తెలిపారు.

PM Narendra Modi | వరుసగా మూడోసారి సార్వత్రిక ఎన్నికల్లో ఎన్డీఏ కూటమిని గెలిపించినందుకు దేశ ప్రజలకు ప్రధాని నరేంద్రమోదీ ధన్యవాదాలు తెలిపారు. ‘ఎన్డీఏ పట్ల ప్రజలు విశ్వాసం ప్రదర్శించారు. ఇది దేశ చరిత్రాత్మక ఘటన’ అని ‘ఎక్స్ (మాజీ ట్వి్ట్టర్)’లో ప్రధాని మోదీ పోస్ట్ చేశారు. బీజేపీ సారధ్యంలోని ఎన్డీఏ కూటమి ప్రభుత్వ ఏర్పాటుకు అవసరమైన మెజారిటీ సీట్ల మార్కును దాటి 290 సీట్లను గెలుచుకునే దిశగా వెళుతున్నది. మరోవైపు 2019 ఎన్నికల తర్వాత గణనీయ పురోగతి సాధించిన కాంగ్రెస్ పార్టీ సారధ్యంలోని ‘ఇండియా’ కూటమి సైతం 234 సీట్లను గెలుచుకున్నది.

‘ఓటరు దేవుళ్లకు శిరస్సు వంచి నమస్కరిస్తున్నా.. ప్రజల ఆకాంక్షలకు అనుగుణంగా గత పదేండ్లుగా సాగిస్తున్న అభివృద్ధి పనులను కొనసాగిస్తాం’ అని మోదీ పేర్కొన్నారు. ప్రధాని నరేంద్రమోదీ తాను పోటీ చేసిన వారణాసి స్థానం నుంచి 1.5 లక్షల ఓట్ల మెజారిటీతో విజయం సాధించారు. ‘తమ గెలుపు కోసం కష్టపడి పని చేసిన కార్యకర్తలకు నేను నమస్కరిస్తున్నా. అసాధారణ రీతిలో వారు పడ్డ కష్టానికి న్యాయం చేయాలంటే మాటల్లో చెప్పలేం’ అని వ్యాఖ్యానించారు.