పాట్నా: రైల్వే స్టేషన్లోని టీవీ స్క్రీన్లపై అశ్లీల వీడియోలు కనిపించాయి. దీంతో ఇది చూసిన ప్రయాణికులు షాకయ్యారు. బీహార్ రాజధాని పాట్నా రైల్వే స్టేషన్లో ఈ సంఘటన జరిగింది. ఆదివారం ఉదయం పది గంటలకు ఆ రైల్వే స్టేషన్లోని ప్లాట్ఫారమ్ నంబర్ 10పై ఉన్న టీవీల్లో యాడ్స్తోపాటు మూడు నిమిషాల పాటు అశ్లీల వీడియో ప్లే అయ్యింది. ఇది గమనించిన ప్రయాణికులు కంగుతిన్నారు. కొందరు వెంటనే గవర్నమెంట్ రైల్వే పోలీస్ (జీఆర్పీ), రైల్వే ప్రొటెక్షన్ ఫోర్స్ (ఆర్పీఎఫ్)కు ఫిర్యాదు చేశారు. అయితే ఆర్పీఎఫ్ సిబ్బంది వెంటనే స్పందించారు. పాట్నా రైల్వే స్టేషన్లలోని టీవీల స్క్రీన్లపై ప్రకటనల బాధ్యతలు చూసే దత్తా కమ్యూనికేషన్ను సంప్రదించారు. పోర్న్ క్లిప్ ప్రసారాన్ని ఆపాలని ఆ ఏజెన్సీ నిర్వాహకులను కోరారు. దీంతో మూడు నిమిషాల తర్వాత అశ్లీల వీడియో క్లిప్ ప్రసారం నిలిచిపోయింది.
మరోవైపు రైల్వే అధికారులు కూడా ఈ సంఘటనపై స్పందించారు. దత్తా కమ్యూనికేషన్పై చర్యలు చేపట్టారు. ఆ ఏజెన్సీపై కేసు నమోదు చేశారు. అలాగే ఆ సంస్థను బ్లాక్లిస్ట్లో పెట్టడంతో పాటు జరిమానా కూడా రైల్వే అధికారులు విధించారు. ప్రకటనల కాంట్రాక్ట్ను రద్దు చేశారు. రైల్వే కూడా ఈ సంఘటనపై ప్రత్యేకంగా దర్యాప్తు చేపట్టింది. కాగా, కొందరు ప్రయాణికులు ఈ అశ్లీల వీడియో క్లిప్ ప్రసారాన్ని
తమ మొబైల్ ఫోన్లలో రికార్డు చేశారు. అనంతరం వాటిని సోషల్ మీడియాలో పోస్ట్ చేయగా ఆ వీడియో క్లిప్లు వైరల్ అయ్యాయి.
Also Read: