ఉరీ సెక్టార్‌లో అక్రమ చొరబాటుకు పాక్‌ ఉగ్రవాదుల విఫలయత్నం..

Uri sector | జమ్ముకశ్మీర్‌లోని ఉరీ సెక్టార్‌లో (Uri sector) నియంత్రణ రేఖ వెంబడి చొరబాటుకు ప్రయత్నించిన ముగ్గురు పాకిస్థాన్‌ ఉగ్రవాదులను భద్రతాదళాలు హతమార్చాయి. గురువారం ఉదయం బారాముల్లా

శ్రీనగర్‌: జమ్ముకశ్మీర్‌లోని ఉరీ సెక్టార్‌లో (Uri sector) నియంత్రణ రేఖ వెంబడి చొరబాటుకు ప్రయత్నించిన ముగ్గురు పాకిస్థాన్‌ ఉగ్రవాదులను భద్రతాదళాలు హతమార్చాయి. గురువారం ఉదయం బారాముల్లా జిల్లా ఉరీ సెక్టార్‌లోని కమల్‌కోట్ ప్రాంతంలోని నియంత్రణ రేఖ వద్ద సైన్యం గస్తీ నిర్వహిస్తున్నది. ఈ క్రమంలో నియంత్రిణ రేఖ వెంబడి ముగ్గురు వ్యక్తులు అనుమానాస్పదంగా కనిపించారు. మదియన్ నానక్ పోస్ట్​ సమీపంలోని కంచెను దాటినవారు భారత భూభాగంలోకి చొరబడుతున్నారని గుర్తించిన భద్రతా సిబ్బంది.. వారిని నిలువరించడానికి కాల్పులు జరిపారు. దీంతో ముగ్గురు అక్కడికక్కడే మృతి చెందినట్లు కశ్మీర్‌జోన్‌ పోలీసులు తెలిపారు.

అనంతరం ఆ ప్రాంతంలో మొత్తం క్షుణ్ణంగా తనిఖీ చేశామని, ఘటనా స్థలంలో రెండు ఏకే రైఫిళ్లు, ఒక చైనీస్‌ ఎం 16 తుపాకీ, ఆయుధ సామాగ్రి స్వాధీనం చేసుకున్నామని చెప్పారు. నిఘావర్గాలు అందించిన సమాచారం మేరకు ఎలక్ట్రానిక్‌ సర్వైలెన్స్‌ పరికరాలను ఉపయోగించి చొరబాటుకు ప్రయత్నిస్తున్న ముష్కరులను గుర్తించామన్నారు. ఆ వీడియోను ఇండియన్‌ ఆర్మీ తాజాగా విడుదల చేసింది.

#WATCH | Pakistani terrorists were trying to infiltrate into India from Uri sector on Aug 25. The terrorists were detected by electronic surveillance gadgets after specific intelligence inputs were received. 3 terrorists were eliminated by alert Army troops: Indian Army officials pic.twitter.com/ObsQ4eXQy5

— ANI (@ANI) August 26, 2022