గుజరాత్‌ తీరంలో పట్టుపడిన పాక్‌ బోట్‌‌.. రూ.200 కోట్ల విలువైన హెరాయిన్‌ సీజ్‌

Pakistani boat | గుజరాత్‌ తీరంలో మరోసారి పెద్దమొత్తంలో మాదకద్రవ్యాలు పట్టుబడ్డాయి. అరేబియా సముంద్రం గుండా భారత జలాల్లో ప్రవేశించిన పాకిస్థాన్‌ పడవను ఇండియన్‌ కోస్ట్‌గార్డ్‌, గుజరాత్‌

అహ్మదాబాద్‌: గుజరాత్‌ తీరంలో మరోసారి పెద్దమొత్తంలో మాదకద్రవ్యాలు పట్టుబడ్డాయి. అరేబియా సముంద్రం గుండా భారత జలాల్లో ప్రవేశించిన పాకిస్థాన్‌ పడవను ఇండియన్‌ కోస్ట్‌గార్డ్‌, గుజరాత్‌ ఉగ్రవాద నిరోధక దళం పట్టుకున్నాయి. అందులో రూ.200 కోట్ల విలువైన 40 కిలోల హెరాయిన్‌ను స్వాధీనం చేసుకున్నారు. కచ్‌ జిల్లా జకావ్‌ ఓడరేవు సమీపంలోని సముంద్రంలో చేపలు పట్టే పడవలో హెరాయిన్‌ను తరలిస్తున్నట్లు కోస్టుగార్డు, ఏటీఎస్​ సిబ్బంది గుర్తించారు. సంయుక్తంగా ఆపరేషన్‌ నిర్వహించి ఆరుగురు పాకిస్థానీలను అరెస్టుచేయడంతోపా బోటును సీజ్‌ చేశారు. సముద్రమార్గం ద్వారా మాదక ద్రవ్యాలను గుజరాత్‌ తీసుకొచ్చి.. అటునుంచి రోడ్డుమార్గంలో పంజాబ్‌ తరలించాలనుకున్నారని అధికారులు వెల్లడించారు.

Indian Coast Guard & ATS Gujarat jointly apprehended a Pakistani Boat with 6 crew in Indian waters carrying approx 40 kgs of Heroine worth Rs 200 crores: Indian Coast Guard https://t.co/HQxRIMJNNe pic.twitter.com/yY705W2lKP

— ANI (@ANI) September 14, 2022

గతేడాది అక్టోబర్‌లో గుజరాత్‌ మంద్రాపోర్టులో పెద్దమొత్తంలో హెరాయిన్‌ పట్టుబడిన విషయం తెలిసిందే. రూ.21 వేల కోట్ల విలువైన 2988 కిలోల మత్తుమందును అధికారులు సీజ్‌ చేశారు. గత నెలలో కచ్‌ జిల్లాలో భారత జలాల్లోకి ప్రవేశించిన పాకిస్థానీ చేపల బోటును బీఎస్‌ఎఫ్‌ సైనికులు పట్టుకున్నారు.