Yogi Adityanath | యూపీలో సార్వత్రిక ఫలితాలపై యోగి కీలక వ్యాఖ్యలు.. ఆయన ఏమన్నారంటే..?!

Yogi Adityanath | సార్వత్రిక ఎన్నికల్లో విజయంపై అతి విశ్వాసం వల్లే తమ పార్టీ అవకాశాలను దెబ్బ తీసిందని ఉత్తరప్రదేశ్ సీఎం యోగి ఆదిత్యనాథ్ పేర్కొన్నారు.

July 14, 2024 / 10:35 PM IST

Yogi Adityanath | యూపీలో సార్వత్రిక ఫలితాలపై యోగి కీలక వ్యాఖ్యలు.. ఆయన ఏమన్నారంటే..?!

Yogi Adityanath | సార్వత్రిక ఎన్నికల్లో విజయంపై అతి విశ్వాసం వల్లే తమ పార్టీ అవకాశాలను దెబ్బ తీసిందని ఉత్తరప్రదేశ్ సీఎం యోగి ఆదిత్యనాథ్ పేర్కొన్నారు. అయితే ఇంతకుముందు వచ్చిన ఎన్నికల్లో వచ్చిన ఓట్ల శాతం మాత్రమే పొందిందని బీజేపీ యూపీ రాష్ట్ర వర్కింగ్ కమిటీ సమావేశంలో యోగి ఆదిత్యనాథ్ చెప్పారు.

‘సార్వత్రిక ఎన్నికల్లో ప్రధాని నరేంద్రమోదీ సారధ్యంలో బీజేపీ సమర్థవంతంగా పని చేసింది. 2014 నుంచి ఇటీవలి వరకు జరిగిన ఎన్నికల్లో విపక్షాలను ధీటుగా ఎదుర్కొన్నాం. 2014లో కేంద్రంలో అధికారం చేపట్టిన బీజేపీ.. అదే ఓట్ల శాతంతో 2024లోనూ మరోమారు గెలుపొందింది. అయితే ఈసారి గణనీయ మార్పు కనిపించింది. గత ఎన్నికల ఓట్ల శాతం పొందినా, ప్రతిపక్షాలకు కూడా ఓట్ల శాతం పెరుగుతున్నట్లు కనిపిస్తున్నది. విజయంపై అతి విశ్వాసమే దీనికి కారణం అనడంలో సందేహం లేదు’ అని యోగి చెప్పారు.

తమ ప్రభుత్వం యూపీలో శాంతిభద్రతలను పరిరక్షిస్తుందని యోగి ఆదిత్యనాథ్ చెప్పారు. హింసను సృష్టించాలని విపక్షాలు ప్రయత్నించినా డబుల్ ఇంజిన్ సర్కార్.. వారి ఎత్తులను తిప్పి కొట్టిందని చెప్పారు. ఇటీవల దేశవ్యాప్తంగా ఏడు రాష్ట్రాల్లోని 13 అసెంబ్లీ స్థానాలకు జరిగిన ఉప ఎన్నికల్లో విపక్ష ఇండియా కూటమి 10 సీట్లు గెలుచుకుంటే బీజేపీ రెండు స్థానాలతోనే సరిపెట్టుకోవడం ఆసక్తి కర పరిణామం.