పార్కులో చిరుత‌దాడి.. వ్య‌క్తికి తీవ్ర గాయాలు.. వీడియో

April 6, 2021 / 06:07 PM IST

శ్రీన‌గ‌ర్‌: జ‌మ్ముక‌శ్మీర్‌లో ఓ చిరుత‌పులి క‌ల‌క‌లం రేపింది. జ‌మ్ము ప‌రిధిలోని గాంధీన‌గ‌ర్ ఏరియాలోగ‌ల గ్రీన్ బెల్ట్ పార్కులో ఇద్ద‌రు వ్య‌క్తుల‌పై చిరుత అక‌స్మాత్తుగా దాడికి పాల్ప‌డింది. ఈ ఘ‌ట‌న‌లో ఒక వ్య‌క్తికి తీవ్ర గాయాల‌య్యాయి. ఇద్ద‌రు వ్య‌క్తులు బొలెరో వాహ‌నంలో కొన్ని మొక్కల‌ను తీసుకొచ్చి వాహ‌నం నుంచి కిందికి దిగ‌గానే ఎక్క‌డి నుంచి వ‌చ్చిందో గానీ చిరుత‌పులి ఒక‌రిపై దాడి చేసింది. వెంట‌నే ప‌క్క‌నున్న మ‌రో వ్య‌క్తి క‌ర్ర‌తో కొట్ట‌గా కొంత‌దూరం వెళ్లి మ‌ళ్లీ దాడికి ప్ర‌య‌త్నించింది. ఇంత‌లో ఆ ఇద్ద‌రూ వాహ‌నంలోకి ఎక్కి డోర్‌లు వేసుకోవ‌డంతో ప్ర‌మాదం త‌ప్పింది. ఈ ఘ‌ట‌న‌కు సంబంధించిన దృశ్యాల‌ను కింది వీడియోలో చూడ‌వ‌చ్చు.