Encounter | శ్రీనగర్‌లో విదేశీ ఉగ్రవాది హతం..! ఖన్యార్‌లో కొనసాగుతున్న కాల్పులు

Encounter | శ్రీనగర్‌లోని ఖన్యార్‌ ప్రాంతంలో ఉగ్రవాదులు, భద్రతా బలగాల మధ్య ఉదయం నుంచి ఎదురుకాల్పులు జరుగుతున్నాయి. ఉగ్రవాదులు దాక్కున్న ఇంటిని సైన్యం ఐఈడీ పేల్చి వేసింది. ఆ తర్వాత ఇల్లంతా పొగతో నిండిపోయింది.

Encounter | శ్రీనగర్‌లోని ఖన్యార్‌ ప్రాంతంలో ఉగ్రవాదులు, భద్రతా బలగాల మధ్య ఉదయం నుంచి ఎదురుకాల్పులు జరుగుతున్నాయి. ఉగ్రవాదులు దాక్కున్న ఇంటిని సైన్యం ఐఈడీ పేల్చి వేసింది. ఆ తర్వాత ఇల్లంతా పొగతో నిండిపోయింది. అయితే, ప్రస్తుతం ఓ విదేశీ ఉగ్రవాది హతమైనట్లు తెలుస్తున్నది. ఇంట్లోనే ఇంకా పలువురు ఉగ్రవాదులు నక్కినట్లు సమాచారం. శుక్రవారం సాయంత్రం నుంచి బందిపొరలో తీవ్రవాదులకు వ్యతిరేకంగా ఆపరేషన్‌ ప్రారంభమైంది. భద్రతా బలగాలు ఆ ప్రాంతాన్ని చుట్టుముట్టి గాలిస్తున్నాయి. ఆపరేషన్ సమయంలో సైన్యం రెండు బ్యాక్‌ప్యాక్‌లను స్వాధీనం చేసుకున్నాయి. భద్రతా బలగాలు పరిసర ప్రాంతాల్లో సెర్చ్ ఆపరేషన్‌ను ముమ్మరం చేశాయి. స్థానికులు ఇండ్లలోనే ఉండాలని సూచించారు. ఇక అనంత్‌నాగ్‌లో జరిగిన ఎన్‌కౌంటర్‌లో ఇద్దరు ఉగ్రవాదులు హతమయ్యారు. మరో ఉగ్రవాది దాక్కున్నాడని.. ప్రస్తుతం ఆపరేషన్‌ కొనసాగుతుందని పోలీస్‌ ఉన్నతాధికారులు తెలిపారు. ఎన్‌కౌంటర్ స్థలంలో భద్రతా బలగాలు నిఘాను కట్టుదిట్టం చేశాయి. ఎలాంటి పరిస్థితినైనా ఎదుర్కోవడానికి అవసరమైన సన్నాహాలు చేస్తున్నారు. అధికారులు పరిస్థితిని నిశితంగా పరిశీలిస్తున్నారు.

#WATCH | Jammu and Kashmir: A plume of smoke billows into the sky in Srinagar. Gunshots can be heard in the background as an encounter is underway between security forces and terrorists in the Khanyar area of Srinagar.

(Visuals deferred by unspecified time) pic.twitter.com/liSbElpyZi

— ANI (@ANI) November 2, 2024