International Womens Day: వుమెన్స్ డే స్పెష‌ల్.. మ‌హిళా సిబ్బందితో వందేభార‌త్ రైలు.. వీడియో

International Womens Day: వుమెన్స్ డే వేళ‌.. ఆల్ వుమెన్ రైలు న‌డిపింది సెంట్ర‌ల్ రైల్వే. ముంబై నుంచి షిర్డి వెళ్లిన వందేభార‌త్ రైలులో.. సిబ్బంది మొత్తం మ‌హిళ‌లే. పైలెట్‌, అసిస్టెంట్ పైలెట్‌, టీటీఈలు.. ఆ రైలులోని సిబ్బంది మొత్తం ఆడ‌వాళ్లే ఉన్నారు.

ముంబై: అంత‌ర్జాతీయ మ‌హిళా దినోత్స‌వం సంద‌ర్భంగా ఇవాళ మ‌హిళా సిబ్బంది(All Women Train)తో కూడిన వందేభార‌త్ రైలును న‌డిపారు. ముంబైలోని సీఎస్ఎంటీ రైల్వే స్టేష‌న్ నుంచి షిర్డికి ఆ రైలు ప్ర‌యాణించింది. ఆసియా తొలి మ‌హిళా లోకో పైలెట్ సురేఖా యాద‌వ్‌, అసిస్టెంట్ లోకో పైలెట్ సంగీత కుమారి ఆ రైలుకు డ్రైవ‌ర్లుగా విధులు నిర్వ‌ర్తించారు.

ఇవాళ ఉద‌యం 6.20 నిమిషాల‌కు ఆ రైలు బ‌య‌లుదేరింది. రైల్వేశాఖ‌లో మ‌హిళ‌ల పాత్ర పెరుగుతోంద‌న్న ఉద్దేశాన్ని వ్య‌క్తం చేశారు. మ‌హిళా ఉద్యోగులు న‌డిపిన‌ ఈ రైలులో.. టీటీఈలు అంద‌రు కూడా మ‌హిళ‌లే ఉన్నారు. హెడ్ టికెట్ ఎగ్జామిన‌ర్ అనుష్కా కేపీ, ఎంజే రాజ్‌పుత్‌, సీనియ‌ర్ టికెట్ ఎగ్జామిన‌ర్ సారికా ఓజా, సువ‌ర్ణా పాస్తే, క‌వితా మార‌ల్‌, మనిషా రామ్ ఈ రైలులో విధులు నిర్వ‌హించారు.

#WATCH | Maharashtra: On the occasion of International Women’s Day, Central Railways is running an all-women train.

CSMT-Shirdi Vande Bharat has an all-women crew today, including the loco pilot, assistant loco pilot, train manager, TCs and train Hostesses. pic.twitter.com/4wTuMNlVLO

— ANI (@ANI) March 8, 2025