Odisha Athletes | క‌ట‌క్‌లో రోడ్డు ప్ర‌మాదం.. ఇద్ద‌రు ఒడిశా అథ్లెట్ల మృతి.. సీఎం సంతాపం

Odisha Athletes : ఒడిశాలో ఘోర రోడ్డు ప్ర‌మాదం జ‌రిగింది. ఈ ఘ‌ట‌న‌లో ఇద్ద‌రు యువ అథ్లెట్లు మ‌ర‌ణించారు. మృతుల‌ను మృత్యం దొండ‌పాటి, మ‌ల‌య్ బారిక్‌గా గుర్తించారు.

Odisha Athletes : ఒడిశాలో ఘోర రోడ్డు ప్ర‌మాదం జ‌రిగింది. ఈ ఘ‌ట‌న‌లో ఇద్ద‌రు యువ అథ్లెట్లు మ‌ర‌ణించారు. మృతుల‌ను మృత్యం దొండ‌పాటి, మ‌ల‌య్ బారిక్‌గా గుర్తించారు. ఒడిశాలోని క‌ట‌క్ హైవేపై బుధ‌వారం అర్ధ‌రాత్రి రోడ్డు ప్ర‌మాదం జ‌రిగింది. మృత్యం, మ‌ల‌య్ ఒక బైకుపై వెళ్ల‌గా.. వారి వెనుక మ‌రో బైకుపై ఇంకో క్రీడాకారుడు, స్విమ్మింగ్ కోచ్ ఉన్నారు.

ఈ క్ర‌మంలో మృత్యం, మ‌ల‌య్ ప్ర‌యాణిస్తున్న బైకు ప్ర‌మాదానికి గురైంది. ఈ ఘ‌ట‌న‌లో ఇద్ద‌రూ ప్రాణాలు కోల్పాయ‌రు. అయితే, రోడ్డు ప్ర‌మాదం క‌చ్చితంగా ఎలా జ‌రిగింది అనే విష‌యంపై ఇంకా స్ప‌ష్ట‌త లేదు. ఈ ఘ‌ట‌న‌పై ఒడిశా సీఎం మోహ‌న్ చ‌ర‌ణ్ మాఝీ స్పందించారు. రోడ్డు ప్ర‌మాదంలో రాష్ట్రానికి చెందిన ఇద్ద‌రు యువ అథ్లెట్లు ప్రాణాలు కోల్పోవ‌డం త‌న‌ను తీవ్రంగా క‌ల‌చివేసింద‌న్నారు. ఒడిశా క్రీడారంగానికి వారి మృతి తీర‌ని లోటు అన్నారు. మృత్యం, మ‌ల‌య్ కుటుంబాల‌కు సానుభూతి ప్ర‌క‌టించారు.

మృతుల్లో మృత్యం దొండ‌పాటి ఇండియాలో అండ‌ర్-23లో స్ప్రింటింగ్ ర్యాంక్స్‌లో కొన‌సాగుతున్నాడు. 2025లో ఫాస్టెస్ట్ అథ్లెట్‌గా పేరు తెచ్చుకున్నాడు. మ‌ల‌య్ కూడా 400 మీట‌ర్ల స్పింట్‌లో స‌త్తా చాటాడు. ఎంతో భ‌విష్య‌త్ ఉన్న ఈ క్రీడాకారులు ఇలా మ‌ర‌ణించ‌డంపై క్రీడాకారుల‌తోపాటు ప్ర‌జ‌లు కూడా సంతాపం వ్య‌క్తం చేస్తున్నారు.