Nita Ambani | మీడియాకు క్షమాపణలు చెప్పి.. నేటి వేడుకలకు అతిథులుగా ఆహ్వానించిన నీతా అంబానీ

Nita Ambani | నీతా అంబానీ (Nita Ambani) మీడియాకు హృదయపూర్వక కృతజ్ఞతలు (thanks to media) తెలియజేశారు. అనంత్- రాధిక పెళ్లి సమయంలో మీడియా సపోర్ట్ చేసినందుకు ధన్యవాదాలు తెలిపారు.

July 15, 2024 / 10:42 AM IST

Nita Ambani | మీడియాకు క్షమాపణలు చెప్పి.. నేటి వేడుకలకు అతిథులుగా ఆహ్వానించిన నీతా అంబానీ

Nita Ambani | అపరకుబేరుడు, రిలయన్స్‌ ఇండస్ట్రీస్‌ అధినేత ముఖేశ్‌ అంబానీ చిన్న కుమారుడు అనంత్‌ అంబానీ వివాహం రాధికా మర్చెంట్‌తో అంగరంగ వైభవంగా జరిగిన విషయం తెలిసిందే. ముంబైలోని జియో వరల్డ్‌ సెంటర్‌లో మూడు రోజులపాటు జరిగిన ఈ వేడుకలు ఆదివారంతో ముగిశాయి. ఈనెల 12న ‘శుభ్‌ వివాహ్‌’తో మొదలైన ఈ వేడుకలు 13వ తేదీన ‘శుభ్‌ ఆశీర్వాద్‌’, 14వ తేదీన ‘మంగల్‌ ఉత్సవ్‌’తో గ్రాండ్‌గా ముగిశాయి. ప్రపంచం దృష్టిని ఆకర్షించిన ఈ వేడుకలను దేశంతోపాటు విదేశీ మీడియా కూడా పెద్ద ఎత్తున కవర్‌ చేసింది.

ఈ నేపథ్యంలో వేడుకల చివరిరోజైన నిన్న ‘మంగళ ఉత్సవ్’ కార్యక్రమంలో నీతా అంబానీ (Nita Ambani) మీడియాకు హృదయపూర్వక కృతజ్ఞతలు (thanks to media) తెలియజేశారు. అనంత్- రాధిక పెళ్లి సమయంలో మీడియా సపోర్ట్ చేసినందుకు ధన్యవాదాలు తెలిపారు. అంతేకాదు, తమ వల్ల ఏదైనా తప్పులు జరిగి ఉంటే క్షమించాలని మీడియాను కోరారు.

‘అనంత్‌ – రాధిక పెళ్లికి మీరంతా వచ్చి వేడుకల్లో భాగమయ్యారు. అందుకు నా హృదయపూర్వక ధన్యవాదాలు. ఈ వేడుకల్లో ఏదైనా అనుకోకుండా తప్పులు జరిగి ఉంటే అందుకు క్షమించండి. పెళ్లి ఇంట్లో పొరపాట్లు జరగడం సాధారణమే. మీరంతా అర్థం చేసుకుంటారని ఆశిస్తున్నాను’ అని తెలిపారు. అదేవిధంగా ఇవాళ జరిగే వేడుకలకు మీడియా మిత్రులను నీతా అంబానీ అతిథులుగా ఆహ్వానించారు. ‘మీరు రేపు మా అతిథులుగా రండి. మీ అందరికీ స్వాగతం పలకడం చాలా ఆనందంగా ఉంది. మరోసారి అందరికీ ధన్యవాదాలు’ అని నీతా అంబానీ పేర్కొన్నారు.

మూడు రోజులపాటు జరిగిన ఈ వేడుకల్లో జాతీయ అంతర్జాతయ ప్రముఖులు హాజరై సందడి చేశారు. ప్రధాన మంత్రి నరేంద్ర మోదీ సహా కేంద్ర మంత్రులు, పలు రాష్ట్రాల ముఖ్యమంత్రులు, రాజకీయ నేతలు, సినీ సెలబ్రిటీలు, ఇతర దేశాలకు చెందిన రాజకీయ నాయకులు, క్రీడాకారులు తదితరులు ఈ వేడుకల్లో భాగమయ్యారు.