U-Win Portal | ఆగస్టునాటికి దేశవ్యాప్తంగా అందుబాటులోకి యూ-విన్‌ పోర్టల్‌

దేశవ్యాప్తంగా సాధారణ టీకాల కార్యక్రమ ట్రాకింగ్‌, నమోదు కోసం ఆగస్ట్‌ చివరి నాటికి యూ-విన్‌ పోర్టల్‌ అందుబాటులోకి రాను ందని అధికార వర్గాలు తెలిపాయి. కొవిడ్‌ వ్యాక్సినేషన్‌ పోర్టల్‌ కొ-విన్‌కు నకలుగా ఉండే ఈ పోర్టల్‌ను పశ్చిమ బెంగాల్‌ మినహా మిగతా రాష్ర్టాలు, కేంద్ర పాలిత ప్రాం తాల్లో ఇప్పటికే పైలట్‌ ప్రాజెక్ట్‌గా అమలు చేస్తున్నారు.

U-Win Portal | న్యూఢిల్లీ: దేశవ్యాప్తంగా సాధారణ టీకాల కార్యక్రమ ట్రాకింగ్‌, నమోదు కోసం ఆగస్ట్‌ చివరి నాటికి యూ-విన్‌ పోర్టల్‌ అందుబాటులోకి రానుందని అధికార వర్గాలు తెలిపాయి. కొవిడ్‌ వ్యాక్సినేషన్‌ పోర్టల్‌ కొ-విన్‌కు నకలుగా ఉండే ఈ పోర్టల్‌ను పశ్చిమ బెంగాల్‌ మినహా మిగతా రాష్ర్టాలు, కేంద్ర పాలిత ప్రాం తాల్లో ఇప్పటికే పైలట్‌ ప్రాజెక్ట్‌గా అమలు చేస్తున్నారు. గర్భిణులు, అయిదేండ్ల లోపు పిల్లలకు వేసే ప్రతి టీకాను యూ-విన్‌లో నమోదు చేయనున్నారు.

క్యూఆర్‌ కోడ్‌ ఆధారంగా పని చేసే ఈ పోర్టల్‌లో ఈ-టీకా ధ్రువీకరణ పత్రాన్ని ఒక్క క్లిక్‌ ద్వారా పౌరులెవరైనా పొందొచ్చు. రియల్‌ టైమ్‌లో పనిచేసే ఈ పోర్టల్‌ లేదా ఆండ్రాయిడ్‌ మొబైల్‌ అప్లికేషన్‌లో కోరుకున్న టీకా కేంద్రాల్లో టీకాలు పొందడానికి పౌరులు స్వీయ రిజిస్ట్రేషన్‌ చేసుకోవచ్చు. టీకా వేయించుకొనే టైమ్‌ను షెడ్యూల్‌ చేసుకోవచ్చు.