నెట్‌ఫ్లిక్స్‌లో 1,000 మంది ఉద్యోగుల తొలగింపు

ప్రముఖ స్ట్రీమింగ్‌ దిగ్గజం నెట్‌ఫ్లిక్స్‌ దాదాపు 1,000 మంది ఉద్యోగులను విధుల నుంచి తొలగించింది.

న్యూఢిల్లీ: ఆశించిన స్థాయికంటే వృద్ధి నెమ్మదించడం, వీక్షకుల సమయం కోసం మార్కెట్‌లో విపరీతంగా పోటీ పెరిగిపోవడంతో సంస్థ ఈ నిర్ణయం తీసుకుంది. 2022 తర్వాత కంపెనీ చేపట్టిన అత్యధిక ఉద్యోగాల కోత ఇదే కావడం గమనార్హం.

ఈ లే ఆఫ్‌లు కంపెనీ మొత్తం వర్క్‌ఫోర్స్‌లో సుమారు ఆరు శాతం మందిపై ప్రభావం చూపనున్నాయి. ‘ది వాల్‌ స్ట్రీట్‌’ జర్నల్‌ నివేదిక ప్రకారం ఈ తొలగింపుల ప్రభావం ప్రధానంగా ప్రొడక్ట్‌, టెక్నాలజీ, లీగల్‌, హ్యూమన్‌ రిసోర్సెస్‌(హెచ్‌ఆర్‌) విభాగాలపై ఎక్కువగా పడింది.