Independent India : నెహ్రూ తొలి చారిత్రాత్మక ప్రసంగం

Independent India : 1947 లో సరిగ్గా ఇదే రోజున రాజ్యాంగ సభ సమావేశ మందిరంలో భారతదేశం తొలి ప్రధానమంత్రి పండిత్‌ జవహర్‌లాల్‌ నెహ్రూ చారిత్రాత్మక ప్రసంగం చేశారు. ఒకరోజు ముందుగా ప్రారంభమైన ...

August 15, 2021 / 02:26 PM IST

Independent India : నెహ్రూ తొలి చారిత్రాత్మక ప్రసంగం

ఎన్నో ఉద్యమాలు… మరెన్నో పోరాటాలు… ఎందరో ప్రాణార్పణం… మరెందరో బలిదానం… వీటన్నింటి ఫలితమే మనం ఇవ్వాళ స్వేచ్ఛావాయువులు పీలుస్తున్నాం. మన దేశానికి స్వాతంత్య్రం సిద్ధించి 75 సంవత్సరాల పండుగను (Independent India) ఘనంగా జరుపుకుంటున్నాం. 1947 లో సరిగ్గా ఇదే రోజున రాజ్యాంగ సభ సమావేశ మందిరంలో భారతదేశం తొలి ప్రధానమంత్రి పండిత్‌ జవహర్‌లాల్‌ నెహ్రూ చారిత్రాత్మక ప్రసంగం చేశారు. ఒకరోజు ముందుగా ప్రారంభమైన స్వాతంత్య్ర దినోత్సవాలు మరుసటి రోజు వరకు కొనసాగాయి. దేశవ్యాప్తంగా లక్షలాది మంది ప్రజలు నృత్యాలు చేస్తూ మిఠాయిలు పంచుకుంటూ ఉత్సవాలు జరుపుకున్నారు.

15 ఆగస్ట్‌కు ముందు రోజు..

14 ఆగస్ట్‌ రాత్రి 11 గంటలు : న్యూఢిల్లీలో స్వాతంత్య్రదిన ఉత్సవాలు ప్రారంభం. ప్రత్యేక పార్లమెంట్‌ సమావేశం నిర్వహించారు.
11.30 : వందేమాతరం గీతాలాపన. అమరవీరులను స్మరించుకుంటూ 2 నిమిషాల పాటు మౌనం పాటించారు.
11.55 : ప్రజలను ఉద్దేశించి డాక్టర్‌ సర్వేపల్లి రాధాకృష్ణన్‌, చౌదరి ఖాలికజామా, జవహర్‌లాల్‌ నెహ్రూలు ప్రసంగించారు.
12 : సమరశంఖం పూరించిన సమరయోధులు. ప్రజలు ఒకరినొకరు ఆప్యాయంగా ఆలింగనం చేసుకోవడం ప్రారంభించారు. పెద్ద ఎత్తున వర్షం కురుస్తున్నప్పటికీ పార్లమెంట్‌ భవనం ఆవల వేలాది మంది ప్రజానీకం నృత్యాలు చేస్తూ ఆనందంలో మునిగిపోయారు.
12.30 : జాతీయ పతాకం ప్రదర్శన అనంతరం క్యాబినెట్‌ మంత్రుల పేర్లున్న కవర్‌ను గవర్నర్‌ జనరల్‌ మౌంట్‌బాటన్‌కు అందజేసిన నెహ్రూ.

ఆగస్ట్‌ 15

ఉదయం 8 గంటలు : గవర్నమెంట్‌ హౌస్‌లో మంత్రుల ప్రమాణస్వీకారం. తొలుత ప్రధానమంత్రిగా నెహ్రూ ప్రమాణం, ఆ తర్వాత 13 మంత్రులుగా ప్రమాణం చేశారు.
9.40 : రాజ్యాంగ సభ భవనంలో నెహ్రూ అధ్యక్షతన తొలి క్యాబినెట్‌ సమావేశం
9.55 : గవర్నర్‌ జనరల్‌ మౌంట్‌బాటన్‌కు రాయల్‌ సెల్యూల్‌
10.30 : రాజ్యాంగ సభ భవనం ప్రాంగణంలో తొలిసారి జాతీయ పతాకం ఆవిష్కరణ
5 : ఇండియా గేట సమీపంలోని ప్రిన్సెస్‌ పార్క్‌ వద్ద త్రివర్ణ పతాకాన్ని ఆవిష్కరించిన మౌంట్‌ బాటన్‌
7.45 : పెద్ద ఎత్తున బాణాసంచా కాల్చి సంబురాలు
10 : గవర్నమెంట్‌ హౌస్‌లో మౌంట్‌బాటన్‌ ఆధ్వర్యంలో అధికారిక విందు