అసోంలో ఒకేసారి 100 రాబందులు మృతి.. ఆ మాంస‌మే కార‌ణ‌మా..?

గువ‌హ‌టి : ఒకేసారి 100 రాబందులు మృతి చెందాయి. పలు రాబందులు తీవ్ర అనారోగ్యానికి గురై కొన ప్రాణాల‌తో కొట్టుమిట్టాడుతోన్నాయి. ఈ ఘ‌ట‌న అసోం కామ‌రూప్ జిల్లాలోని చాయ‌గావ్ పోలీసు స్టేష‌న్ ప‌రిధిలోని మిలాన్‌పూర్ ఏరియాలో వెలుగు చూసింది.

ఒకే సారి ఒకే చోట 100 రాబందులు మృతి చెందిన‌ట్లు అట‌వీ శాఖ అధికారులు నిర్ధారించారు. మ‌రిన్ని రాబందులు తీవ్ర అనారోగ్యానికి గురికావ‌డంతో వాటికి చికిత్స అందిస్తున్న‌ట్లు అధికారులు పేర్కొన్నారు. అయితే 100 రాంబ‌దులు ఒకేసారి చ‌నిపోవ‌డం ఇదే ప్ర‌థ‌మం అని తెలిపారు. రాబందులు చ‌నిపోయి ఉన్న ప్ర‌దేశంలో గొర్రెల మాంసం, ఎముక‌లు ల‌భ్య‌మైన‌ట్లు అధికారులు చెప్పారు. చ‌నిపోయిన గొర్రెల మాంసం, ఎముక‌ల‌ను తిన‌డం వ‌ల్లే రాబందులు మృతి చెందిన‌ట్లు అట‌వీశాఖ అధికారులు ప్రాథ‌మికంగా నిర్ధారించారు. ఆ మాంసం విష‌పూరితంగా ఉండొచ్చ‌ని, అందువ‌ల్లే పెద్ద సంఖ్య‌లో రాబందులు చ‌నిపోయాయ‌ని పేర్కొన్నారు. రాబందుల మృతికి క‌చ్చిత‌మైన కార‌ణం పోస్టుమార్టం నివేదిక‌లో వెల్ల‌డి కానుంది.

గొర్రెల మాంసంలో విషం

ఉద్దేశ‌పూర్వ‌కంగానే గొర్రెల మాంసంలో విషం క‌లిపార‌ని, ఈ ఘ‌ట‌న‌కు పాల్ప‌డిన వారిని గుర్తించి, క‌ఠిన చ‌ర్య‌లు తీసుకుంటామ‌ని ఫారెస్ట్ అధికారులు స్ప‌ష్టం చేశారు. ఈ ఏడాది ప్రారంభంలో ఇలాంటి ఘ‌ట‌నే ఈ ఏరియాలో చోటు చేసుకుంద‌ని అధికారులు గుర్తు చేశారు. అయితే అప్పుడు ఈ స్థాయిలో ప‌క్షులు మృతి చెంద‌లేద‌ని తెలిపారు. ఇలాంటి ఘ‌ట‌న‌లు పున‌రావృతం కాకుండా చ‌ర్య‌లు తీసుకుంటామ‌ని అట‌వీ శాఖ అధికారులు స్ప‌ష్టం చేశారు.

About 100 vultures have been found dead and many critical at Milanpur, Chaiygaon.

The doctors and field staffs are trying their best to treat the critical ones pic.twitter.com/WUUJa1G1nx

— Assam Forest Department (@assamforest) March 17, 2022