Supriya Sule | డీలిమిటేషన్‌ బిల్లుపై ఎలాంటి నిర్ణయం తీసుకోలేదు : సుప్రియా సూలే

Supriya Sule | డీలిమిటేషన్ బిల్లు (Delimitation bill) పై తమ పార్టీ ఎలాంటి అధికారిక నిర్ణయం తీసుకోలేదని నేషనలిస్ట్ కాంగ్రెస్ పార్టీ (శరద్‌పవార్‌ వర్గం) (NCP (SP)) వర్కింగ్ ప్రెసిడెంట్ సుప్రియా సూలే (Supriya Sule) స్పష్టంచేశారు. దీనిపై జరుగుతున్న ప్రచారం ‘టీకప్పులో తుపాను’ లాంటిదేనని పేర్కొన్నారు.

Supriya Sule : డీలిమిటేషన్ బిల్లు (Delimitation bill) పై తమ పార్టీ ఎలాంటి అధికారిక నిర్ణయం తీసుకోలేదని నేషనలిస్ట్ కాంగ్రెస్ పార్టీ (శరద్‌పవార్‌ వర్గం) (NCP (SP)) వర్కింగ్ ప్రెసిడెంట్ సుప్రియా సూలే (Supriya Sule) స్పష్టంచేశారు. దీనిపై జరుగుతున్న ప్రచారం ‘టీకప్పులో తుపాను’ లాంటిదేనని పేర్కొన్నారు. ఎన్డీయే కూటమికి తాము మద్దతు ఇవ్వనున్నట్లు వస్తున్న వార్తలను కొట్టిపారేశారు. ఓ జర్నలిస్టు స్నేహతుడితో తన వాట్సప్‌లో జరిగిన వ్యక్తిగత సంభాషణను పార్టీ అధికారిక అభిప్రాయంగా ప్రచారం చేయడం సరికాదని చెప్పారు.

దక్షిణాది రాష్ట్రాలు వ్యక్తం చేస్తున్న అభ్యంతరాలను పరిగణనలోకి తీసుకోవాలని.. దక్షిణాది రాష్ట్రాలకు అన్యాయం జరగకూడదని పార్టీ భావిస్తోందని ఆమె తెలిపారు. అన్ని రాష్ట్రాల్లో లోక్‌సభ సీట్లను 50 శాతం పెంచి, దానిని ఎలా అమలు చేస్తారో అధికారికంగా వెల్లడిస్తే, నియోజకవర్గాల పునర్విభజన బిల్లుకు మద్దతు ఇచ్చే విషయాన్ని తమ పార్టీ పరిశీలిస్తుందని చెప్పారు. బిల్లును చూడకుండానే స్పందించడం సరికాదని అన్నారు.