ముంబై: భద్రత కోసం కుమార్తెను ఇంట్లో ఉంచిన తల్లి లాక్ వేసింది. తాళం చెవిని ఎదురింటి వ్యక్తికి ఇవ్వగా ఆ యువతిపై పలుమార్లు లైంగిక దాడికి పాల్పడ్డాడు. మహారాష్ట్రలోని థానే నగరంలో ఈ దారుణం జరిగింది. ఇంట్లో ఒంటరిగా ఉన్న 17 ఏళ్ల బాలికపై ఆమె తండ్రి మూడు నెలల కిందట లైంగిక దాడికి పాల్పడ్డాడు. దీంతో భర్తపై పోలీసులకు భార్య ఫిర్యాదు చేసింది. ఈ సంఘటన తర్వాత నుంచి కుమార్తె భద్రత కోసం మరిన్ని జాగ్రత్తలు తీసుకున్నది. పని కోసం బయటకు వెళ్లేటప్పుడు కూతుర్ని ఇంట్లో ఉంచి లాక్ చేసేది. ఇంటి తాళాన్ని ఎదురింట్లో ఉండే టైలర్కు ఇచ్చేది.
కాగా, డిసెంబర్లో దుస్తులను సరి చేయించుకునేందుకు ఆ టైలర్ ఇంటికి యువతి వెళ్లగా ఆమెపై తొలిసారి లైంగిక దాడికి పాల్పడ్డాడు. అనంతరం బాలిక తల్లి పనికి వెళ్లినప్పుడు ఆమెను బలవంతంగా తన ఇంటికి తీసుకెళ్లి అత్యాచారం చేసేవాడు. ఈ విషయం ఎవరికైనా చెబితే చంపుతానని బెదిరించాడు. అయితే జనవరి 14న అతడి చేష్టలను రహస్యంగా మొబైల్లో ఆమె రికార్డ్ చేసింది. పోలీసులకు ఫిర్యాదు చేసేందుకు ధైర్యం చేయలేదు.
మరోవైపు గురువారం ఆ వ్యక్తి బాలికను బలవంతంగా తన ఇంటికి తీసుకెళ్తుండగా పొరుగున ఉండే మరో మహిళ చూసి అడ్డుకుంది. దీంతో ధైర్యం చేసిన ఆ బాలిక అతడి లైంగిక దాడుల గురించి ఆమెకు చెప్పింది. అలాగే ఆమె రికార్డ్ చేసిన వీడియోను కూడా చూపించింది. అనంతరం పోలీసులకు ఫిర్యాదు చేసింది. దీంతో ఆ టైలర్పై పోక్సో చట్టంతోపాటు పలు సెక్షన్ల కింద కేసు నమోదు చేసి దర్యాప్తు చేస్తున్నారు.