లండన్-ముంబై విమానంలో అనుచిత ప్ర‌వ‌ర్త‌న : వ్య‌క్తిపై కేసు న‌మోదు
లండన్ నుంచి ముంబైకి వెళుతున్న ఎయిర్ ఇండియా విమానంలో భార‌త సంతతికి చెందిన ఓ వ్య‌క్తి తోటి ప్ర‌యాణీకుల ప‌ట్ల అభ్యంత‌ర‌క‌రంగా వ్య‌వ‌హ‌రించ‌డంతో పాటు బ‌హిరంగంగా పొగ‌తాగ‌డంతో కేసు న‌మోదు చేశారు.
న్యూఢిల్లీ : లండన్ నుంచి ముంబైకి వెళుతున్న ఎయిర్ ఇండియా విమానంలో భార‌త సంతతికి చెందిన ఓ వ్య‌క్తి తోటి ప్ర‌యాణీకుల ప‌ట్ల అభ్యంత‌ర‌క‌రంగా వ్య‌వ‌హ‌రించ‌డంతో పాటు బ‌హిరంగంగా పొగ‌తాగ‌డంతో కేసు న‌మోదు చేశారు. దురుసుగా ప్ర‌వ‌ర్తించిన ర‌మాకాంత్ (37)పై ముంబైలోని స‌హ‌ర్ పోలీస్ స్టేష‌న్‌లో కేసు న‌మోదైంది. విమానాల్లో స్మోకింగ్‌ను అనుమ‌తించ‌ర‌ని అయితే ర‌మాకాంత్ వాష్‌రూంకు వెళ్ల‌గా అలారం మోగ‌డంతో వాష్‌రూంలో సిగ‌రెట్ తాగుతూ ఆయ‌న సిబ్బందికి ప‌ట్టుబ‌డ్డార‌ని ఎయిర్ ఇండియా సిబ్బంది తెలిపారు.
దీంతో ర‌మాకాంత్ విమాన సిబ్బందిపై కేక‌లు వేస్తూ అభ్యంత‌ర‌క‌రంగా ప్ర‌వ‌ర్తించాడ‌ని కొద్దిసేప‌టి త‌ర్వాత విమానం డోర్‌ను తెరిచేందుకు ప్ర‌య‌త్నించ‌డంతో ప్ర‌యాణీకులు బెంబేలెత్తార‌ని విమాన సిబ్బంది పేర్కొన్నారు. ఆపై ర‌మాకాంత్‌ను సీటులో కూర్చోపెట్టి అత‌డి కాళ్లు, చేతులు క‌ట్టేశామ‌ని విమాన సిబ్బంది స‌హ‌ర్ పోలీసుల‌కు వివరించారు. ప్ర‌యాణీకుల్లో ఓ వైద్యుడు ఉన్నార‌ని ఆయ‌న నిందితుడిని ప‌రీక్షించ‌గా త‌న బ్యాగ్‌లో మందులున్నాయ‌ని ర‌మాకాంత్ చెప్పాడ‌ని తెలిపారు.
బ్యాగ్‌ను త‌నికీ చేయ‌గా ఎలాంటి మందులు లేక‌పోగా అందులో ఈ-సిగ‌రెట్ క‌నిపించింద‌ని పోలీసుల దృష్టికి తీసుకువ‌చ్చారు. కేసు న‌మోదు చేసిన స‌హ‌ర్ పోలీసులు ర‌మాకాంత్‌ను అదుపులోకి తీసుకున్నారు. భార‌త సంతతికి చెందిన ర‌మాకాంత్ యూఎస్ పాస్‌పోర్ట్ క‌లిగిఉన్నాడ‌ని ఆయ‌న అమెరికా పౌరుడ‌ని పోలీసులు తెలిపారు.
Read More :
Read Today's Latest National News in Telugu and Telugu News
- Follow Us :
-
