రసగుల్లాలో బాంబు.. నోట్లో పేలి వ్యక్తి మృతి

మధ్యప్రదేశ్‌లోని దిండోరి జిల్లాలో ఈ నెల 10న విషాద ఘటన జరిగింది. రసగుల్లా లోపల ఉన్న బాంబు పేలడంతో అది తిన్న ఓ వ్యక్తి(35) తీవ్రంగా గాయపడి చనిపోయాడు.

• మధ్యప్రదేశ్‌లో విషాద ఘటన

దిండోరి: మధ్యప్రదేశ్‌లోని దిండోరి జిల్లాలో ఈ నెల 10న విషాద ఘటన జరిగింది. రసగుల్లా లోపల ఉన్న బాంబు పేలడంతో అది తిన్న ఓ వ్యక్తి(35) తీవ్రంగా గాయపడి చనిపోయాడు. పోలీసుల కథనం ప్రకారం.. రాజేంద్ర భరౌటియా రాత్రి కుటుంబంతో కలిసి చలి మంట దగ్గర కూర్చొని ఉండగా నిందితుడు పొరుగున ఉండే నిందితుడు రామ్‌భగత్‌ అతడికి ఓ రసగుల్లా ఇచ్చి తినమన్నాడు.

రాజేంద్ర దాన్ని తినగానే అందులో ఉన్న పందులను చంపే బాంబు పేలి అతడి నోరు, దవడకు తీవ్ర గాయాలయ్యాయి. కుటుంబ సభ్యులు వెంటనే అతడిని దవాఖానకు తరలించారు. అయితే కొన్ని గంటల తర్వాత అతడు మరణించాడు. తాను ఇచ్చింది రసగుల్లా మాత్రమేనని నిందితుడు చెప్పాడు. నిందితుడు పరారీలో ఉన్నాడు. ఈ ఘటనకు గల కారణాన్ని, రసగుల్లా లోపల బాంబు ఎలా వచ్చిందన్న విషయాన్ని పోలీసులు దర్యాప్తు చేస్తున్నారు.