Kedarnath Dham: ఈనెల 25న తెరుచుకోనున్న కేదార్‌నాథ్ ఆల‌యం

Kedarnath Dham: కేదార్‌నాథ్ ఆల‌యాన్ని ఈనెల 25వ తేదీన తెర‌వ‌నున్నారు. ఛార్‌ధామ్ బోర్డు ఈ విష‌యాన్ని తెలిపింది. హెలికాప్ట‌ర్ బుకింగ్స్‌ను కూడా ఇప్ప‌టికే ప్రారంభించారు. ల‌క్ష‌లాది మంది భ‌క్తులు కేదార్ టూర్‌కు రిజిస్ట‌ర్ చేసుకున్నారు.

డెహ్రాడూన్‌: ఈ నెల 25వ తేదీన కేదార్‌నాథ్ ఆల‌యాన్ని(Kedarnath Dham) తెర‌వ‌నున్నారు. ఛార్‌ధామ్ యాత్ర నిర్వ‌హ‌క అధికారులు ఈ విష‌యాన్ని తెలిపారు. హెలికాప్ట‌ర్ స‌ర్వీసులు కూడా ఆ రోజు నుంచే అందుబాటులో ఉంటాయ‌ని అధికారులు వెల్ల‌డించారు. హెలికాప్ట‌ర్ ద్వారా కేదారీశ్వ‌రుడిని ద‌ర్శ‌నం చేసుకోవాల‌నుకునే భ‌క్తులు ఐఆర్సీటీసీ ద్వారా రిజిస్ట్రేష‌న్ చేసుకోవాల‌ని ఆ రాష్ట్ర టూరిజం శాఖ తెలిపింది. ఇప్ప‌టి వ‌ర‌కు ఛార్‌ధామ్ యాత్ర‌కు సుమారు ఆరున్న‌ర ల‌క్ష‌ల మంది రిజిస్ట‌ర్ చేసుకున్న‌ట్లు ఉత్త‌రాఖండ్ టూరిజం డెవ‌ల‌ప్మెంట్ కౌన్సిల్ తెలిపింది. దీంట్లో కేదార్‌నాథ్‌కు 2.41 ల‌క్ష‌ల మంది రిజిస్ట‌ర్ చేసుకున్నారు.