రామసేతు పూర్తి మ్యాపింగ్‌

‘రామసేతు’ వంతెనకు సంబంధించి పూర్తి మ్యాప్‌ను ‘ఇస్రో’ సైంటిస్టులు ఆవిష్కరించారు. రామేశ్వరం నుంచి శ్రీలంకలోని మన్నార్‌ దీవిని కలుపుతూ సముద్రంలో ఉన్న వంతెన నిర్మాణ తీరుపై పరిశోధకులు కొత్త విషయాలు కనుగొన్నారు.

• 99.8శాతం వంతెన నీళ్లలో మునిగింది: ఇస్రో సైంటిస్టులు

న్యూఢిల్లీ, జూలై 9: ‘రామసేతు’ వంతెనకు సంబంధించి పూర్తి మ్యాప్‌ను ‘ఇస్రో’ సైంటిస్టులు ఆవిష్కరించారు. రామేశ్వరం నుంచి శ్రీలంకలోని మన్నార్‌ దీవిని కలుపుతూ సముద్రంలో ఉన్న వంతెన నిర్మాణ తీరుపై పరిశోధకులు కొత్త విషయాలు కనుగొన్నారు. వంతెనలోని 99.8శాతం సముద్రపు నీళ్లలో మునిగిపోయి ఉందని పరిశోధనలో తేలింది.

నాసాకు చెందిన ‘ఐసీఈస్యాట్‌-2’ శాటిలైట్‌ డాటాను ఉపయోగించి, జోధ్‌పూర్‌, హైదరాబాద్‌ నేషనల్‌ రిమోట్‌ సెన్సింగ్‌ కేంద్రాలకు చెందిన సైంటిస్టులు ‘రామసేతు’ మ్యాపింగ్‌ ప్రక్రియను చేపట్టారు. వంతెన నిర్మాణం ఏ కాలం నాటిదన్నది తెలుసుకునేందుకు ఈ పరిశోధన దోహదపడుతుందని సైంటిస్టులు భావిస్తున్నారు.