UNICEF | 2050 నాటికి దేశంలో 35 కోట్ల చిన్నారులు.. యూనిసెఫ్‌ అంచనా

భారత్‌లో 2050 నాటికి 35 కోట్ల మంది చిన్నారులుంటారని, వారు తీవ్ర వాతావరణ, పర్యావరణ ప్రమాదాలు ఎదుర్కోవాల్సి వస్తుందని యూనిసెఫ్‌ నివేదిక పేర్కొంది. వారి హక్కులు, భవితను రక్షించడానికి ఈ సవాళ్లను సమర్థంగా ఎదుర్కొనే విధానాలను ప్రభుత్వాలు రూపొందించాలని సూచించింది.

UNICEF | న్యూఢిల్లీ : భారత్‌లో 2050 నాటికి 35 కోట్ల మంది చిన్నారులుంటారని, వారు తీవ్ర వాతావరణ, పర్యావరణ ప్రమాదాలు ఎదుర్కోవాల్సి వస్తుందని యూనిసెఫ్‌ నివేదిక పేర్కొంది. వారి హక్కులు, భవితను రక్షించడానికి ఈ సవాళ్లను సమర్థంగా ఎదుర్కొనే విధానాలను ప్రభుత్వాలు రూపొందించాలని సూచించింది. 2050 నాటికి ప్రపంచ పిల్లల జనాభాలో 15 శాతం భారత్‌, చైనా, నైజీరియా, పాకిస్థాన్‌లోనే ఉంటారని తెలిపింది.

‘మారుతున్న ప్రపంచంలో పిల్లల భవిత’ పేరిట బుధవారం ఈ నివేదికను విడుదల చేసింది. జనాభాలో మార్పులు, వాతావరణ సంక్షోభాలు, కొత్త సాంకేతికతలు అనే ధోరణులు పిల్లల జీవితాలను పునర్‌ నిర్మిస్తాయని తెలిపింది. భారత చిన్నారులు ముఖ్యంగా గ్రామీణ, మధ్య ఆదాయ వర్గాలవారు తీవ్రమైన వేడి, వరదలు, వాయు కాలుష్య ప్రమాదాల బారిన పడతారని చెప్పింది.