కొత్త‌గా 45,892 క‌రోనా పాజిటివ్ కేసులు..

న్యూఢిల్లీ : మ‌ళ్లీ క‌రోనా వైర‌స్ పాజిటివ్ కేసులు పెరిగాయి. నిన్న‌టితో పోలిస్తే ఇవాళ 5 శాతం కేసులు ఎక్కువ న‌మోదు అయ్యాయి. కేంద్ర ఆరోగ్య‌శాఖ స‌మాచారం మేర‌కు.. గ‌త 24 గంట‌ల్లో 45,892 పాజిటివ్ కేసులు న‌మోదు అయ్యాయి. ఇక నిన్న ఒక్క రోజే 817 మంది వైర‌స్ బారినప‌డి మృతిచెందిన‌ట్లు ఆరోగ్య‌శాఖ తెలిపింది. దేశ‌వ్యాప్తంగా 44,291 మంది వైర‌స్ నుంచి రిక‌వ‌రీ అయ్యారు. ఇప్ప‌టి వ‌ర‌కు ఇండియాలో వైర‌స్ సోకిన వారి సంఖ్య మూడు కోట్లు దాటింది. ఇక మ‌ర‌ణాల సంఖ్య 4,05,028గా ఉంది. గ‌త 24 గంట‌ల్లో 33,81,671 మంది కరోనా వ్యాక్సిన్ తీసుకున్నారు. దీంతో టీకాలు తీసుకున్నవారి మొత్తం సంఖ్య 36.48 కోట్ల‌కు చేరింది.