SI Suspended | మహిళా కానిస్టేబుల్‌కు అసభ్యకర సందేశాలు పంపిన ఎస్‌ఐ.. సస్పెండ్‌

SI Suspended | మహిళా కానిస్టేబుల్‌కు ఒక సబ్ ఇన్‌స్పెక్టర్ (ఎస్‌ఐ) అసభ్యకర సందేశాలు పంపాడు. మెసేజ్‌లతో ఆమెను వేధించాడు. దీంతో ఆ మహిళా కానిస్టేబుల్‌ ఉన్నతాధికారులకు ఫిర్యాదు చేసింది. ఈ నేపథ్యంలో ఆ ఎస్‌ఐను సస్పెండ్‌ చేశారు.

లక్నో: మహిళా కానిస్టేబుల్‌కు ఒక సబ్ ఇన్‌స్పెక్టర్ (ఎస్‌ఐ) అసభ్యకర సందేశాలు పంపాడు. మెసేజ్‌లతో ఆమెను వేధించాడు. దీంతో ఆ మహిళా కానిస్టేబుల్‌ ఉన్నతాధికారులకు ఫిర్యాదు చేసింది. ఈ నేపథ్యంలో ఆ ఎస్‌ఐను సస్పెండ్‌ చేశారు. (SI Suspended) ఉత్తరప్రదేశ్‌లోని బరేలీ జిల్లాలో ఈ సంఘటన జరిగింది. సబ్ ఇన్‌స్పెక్టర్ (ఎస్‌ఐ) చంద్రపాల్ సింగ్ తన పట్ల దురుసుగా, అనుచితంగా ప్రవర్తించాడని, తన మొబైల్‌ ఫోన్‌కు అసభ్యకర సందేశాలు పంపి వేధిస్తున్నాడని మహిళా కానిస్టేబుల్‌ ఫిర్యాదు చేసింది. బరేలీ ఎస్పీ ఘులే సుశీల్ చంద్రభాన్‌ ఈ ఫిర్యాదుపై స్పందించారు. దర్యాప్తు చేయాలని సంబంధిత స్టేషన్‌ పోలీస్‌ అధికారులను ఆదేశించారు.

కాగా, ఎస్‌ఐ చంద్రపాల్ సింగ్ మహిళా కానిస్టేబుల్‌తో అనుచితంగా ప్రవర్శించినట్లు స్టేషన్‌ హెడ్‌ ఆఫీసర్‌ (ఎస్‌హెచ్‌వో) రిపోర్ట్‌లో పేర్కొన్నారు. వాట్సాప్‌లో అసభ్యకర సందేశాలు పంపడంతోపాటు అధికారిక బాధ్యతలకు విరుద్ధంగా ప్రవర్తించి పోలీస్‌ ప్రతిష్టను దిగజార్చినట్లు ఆరోపించారు. విధుల్లో నిర్లక్ష్యం, క్రమశిక్షణా రాహిత్యాన్ని తప్పుపట్టారు. ఈ నేపథ్యంలో ఎస్‌ఐ చంద్రపాల్ సింగ్‌ను సస్పెండ్‌ చేశారు. అలాగే ఆయనపై డిపార్ట్‌మెంటల్‌ దర్యాప్తు జరుపాలని పోలీస్‌ అధికారులను ఎస్పీ ఆదేశించారు.