Govinda | నా కోసం ప్రార్థించిన అందరికీ ధన్యవాదాలు.. ఆస్పత్రి నుంచి డిశ్చార్జి అయిన నటుడు గోవిందా

Govinda | బాలీవుడ్‌ (Bollywood) నటుడు (Actor), శివసేన నాయకుడు (Shiv Sena leader) గోవిందా (Govinda) ఆస్పత్రి నుంచి డిశ్చార్జి అయ్యారు. అనంతరం ఆయన మీడియాతో మాట్లాడుతూ.. తన ఆరోగ్యం మెరుగుపడాలని ప్రార్థించిన ప్రతి ఒక్కరికీ ధన్యవాదాలు తెలియజేశారు.

Govinda : బాలీవుడ్‌ (Bollywood) నటుడు (Actor), శివసేన నాయకుడు (Shiv Sena leader) గోవిందా (Govinda) ఆస్పత్రి నుంచి డిశ్చార్జి అయ్యారు. అనంతరం ఆయన మీడియాతో మాట్లాడుతూ.. తన ఆరోగ్యం మెరుగుపడాలని ప్రార్థించిన ప్రతి ఒక్కరికీ ధన్యవాదాలు తెలియజేశారు. మహారాష్ట్ర ముఖ్యమంత్రి (Maharastra CM) ఏక్‌నాథ్‌ షిండే (Eknath Shinde) కు, పోలీసులకు, మీడియాకు, తన అభిమానులకు కృతజ్ఞతలు చెప్పారు.

‘నేను కోలుకోవాలని ప్రార్థిన ప్రతి ఒక్కరికీ ధన్యవాదాలు. సీఎం ఏక్‌నాథ్‌ షిండేకు, పోలీసులకు, మీడియాకు కృతజ్ఞతలు. ప్రత్యేకించి నా ఆరోగ్యం కోసం ఎన్నో మొక్కులు మొక్కిన, ప్రేమ చూపిన అభిమానులకు నా హృదయపూర్వక ధన్యవాదాలు’ అని గోవిందా అన్నారు. కాగా, ప్రమాదవశాత్తు ఇంట్లో గన్‌ మిస్‌ఫైర్‌ అయ్యి గోవిందాకు తీవ్ర గాయాలయ్యాయి. కుటుంబసభ్యులు హుటాహుటిన ఆయనను ముంబైలోని ఓ ప్రైవేటు ఆస్పత్రికి తరలించారు.

మంగళవారం తెల్లవారుజామున 4:45 గంటల సమయంలో ఈ ఘటన చోటుచేసుకుంది. గోవిందా బయటకు వెళ్లేందుకు సిద్ధమవుతున్న క్రమంలో తన వద్ద ఉన్న లైసెన్స్‌ గన్‌ను తనిఖీ చేస్తుండగా మిస్‌ఫైర్‌ అయ్యింది. అందులోని బుల్లెట్‌ గోవిందా కాలులోకి దూసుకెళ్లింది. దాంతో ఆయనను వెంటనే ముంబైలోని క్రిటీ కేర్‌ ఆసుపత్రికి తరలించారు. మూడు రోజుల చికిత్స అనంతరం కోలుకోవడంతో ఆస్పత్రి నుంచి డిశ్చార్జి చేశారు.

#WATCH | Mumbai: Actor and Shiv Sena leader Govinda says, “I thank everyone for their prayers… I thank CM Shinde, police and the press. I especially thank my fans for praying so much for me. I thank them from the bottom of my heart for their love.” https://t.co/O5nWBbUz9G pic.twitter.com/nsmcxMPoCi

— ANI (@ANI) October 4, 2024