Congress office | కాంగ్రెస్‌ ఆఫీస్‌లో నల్లాల దొంగతనం.. వెళ్తూవెళ్తూ ‘ఐ లవ్‌ యూ’ అని రాసిన దొంగలు

Congress office | ఛత్తీస్‌గఢ్‌ (Chattishgarh) లోని అంబికాపూర్‌ (Ambikapur) లో ఓ వింత దొంగతనం వెలుగు చూసింది. నగరంలోని జిల్లా కాంగ్రెస్‌ పార్టీ (Congress Party) కార్యాలయంలోకి చొరబడిన దొంగలు బాత్‌రూమ్‌లోని దాదాపు 72 స్టీల్‌ నల్లాలను (Taps) ఎత్తుకెళ్లారు.

Congress office : ఛత్తీస్‌గఢ్‌ (Chattishgarh) లోని అంబికాపూర్‌ (Ambikapur) లో ఓ వింత దొంగతనం వెలుగు చూసింది. నగరంలోని జిల్లా కాంగ్రెస్‌ పార్టీ (Congress Party) కార్యాలయంలోకి చొరబడిన దొంగలు బాత్‌రూమ్‌లోని దాదాపు 72 స్టీల్‌ నల్లాలను (Taps) ఎత్తుకెళ్లారు. అంతటితో ఆగకుండా వెళ్లేటప్పుడు నేలపై ‘ఐ లవ్‌ యూ అంబికాపూర్‌ (I Love You Ambikapur)’ అని రాయడం చర్చనీయాంశంగా మారింది.

గాంధీ చౌక్‌ సమీపంలో ఉన్న కాంగ్రెస్ కార్యాలయంలో ఈ ఘటన జరిగింది. నగరంలో అత్యంత రద్దీగా ఉండే ప్రాంతాల్లో ఇదొకటి. గతకొన్ని రోజులుగా ఈ ఆఫీసులో దొంగతనం జరగడం ఇది మూడోసారి. ఈ ఘటనపై కాంగ్రెస్‌ నాయకులు తీవ్ర ఆగ్రహం వ్యక్తంచేశారు. దొంగలు ప్రేమ సందేశం రాశారంటే నగరంలోని శాంతిభద్రతలను ఎగతాళి చేయడమేనని వారు మండిపడ్డారు.

పోలీసుల రాత్రి పెట్రోలింగ్‌ కేవలం కాగితాలకే పరిమితమైందని కాంగ్రెస్‌ పార్టీ జిల్లా అధ్యక్షుడు బాలకృష్ణ పాఠక్‌ విమర్శించారు. రద్దీ ప్రాంతంలో ఉన్న ప్రధాన పార్టీ ఆఫీసుకే భద్రత లేకపోతే సామాన్య ప్రజల పరిస్థితి ఏమిటని ప్రశ్నించారు. డ్రగ్స్‌కు బానిసైనవారి పని అయ్యుంటుందని అనుమానం వ్యక్తంచేశారు. కేసు నమోదు చేసిన పోలీసులు దర్యాప్తు ప్రారంభించారు.