Visit:
Urfi Javed | బిగ్ బాస్ ఫేమ్ ఉర్ఫి జావేద్ త‌న వ‌స్త్రాధార‌ణ‌పై కీల‌క వ్యాఖ్య‌లు చేశారు. త‌న‌కు ఇష్ట‌మొచ్చిన దుస్తుల‌ను ధ‌రిస్తాను అది నేరమేమి కాద‌ని స్ప‌ష్టం చేశారు. ముంబై వీధుల్లో ఉర్ఫి జావెద్ బ‌హిరంగంగా న‌గ్న‌త్వం ప్ర‌ద‌ర్శించార‌ని బీజేపీ నాయ‌కురాలు, మ‌హారాష్ట్ర మ‌హిళా మోర్చా అధ్య‌క్షురాలు చిత్ర వాఘ్ చేసిన ఫిర్యాదుపై ముంబై పోలీసులు శ‌నివారం జావెద్‌ను విచారించారు.
ఈ సంద‌ర్భంగా జావెద్ మాట్లాడుతూ.. నేను ఇండిపెండెంట్ ప‌ర్సన్‌ను. షూటింగ్స్‌కు వెళ్లిన‌ప్పుడు నేను ఒక ర‌క‌మైన డ్ర‌స్సుల‌ను ధ‌రిస్తాను. ఇదేమీ నేరం కాదు. నేర‌మ‌ని రాజ్యాంగంలో కూడా లేద‌న్నారు. నేను షూటింగ్స్ కోసం బ‌య‌ట‌కు వెళ్లిన‌ప్పుడు చాలా మంది న‌న్ను ఫాలో అవుతూ.. ఫోటోలు తీసుకొని వైర‌ల్ చేస్తార‌ని తెలిపింది. కానీ నేను ఆ ఫోటోల‌ను వైర‌ల్ చేయ‌ను అని జావెద్ స్ప‌ష్టం చేశారు.
వారం ప‌ది రోజుల నుంచి చిత్ర వాఘ్, ఉర్ఫి జావెద్ మ‌ధ్య ట్వీట్ల యుద్ధం జ‌రుగుతున్న విష‌యం విదితమే. చిత్ర వాఘ్‌పై కూడా మ‌హారాష్ట్ర మ‌హిళా క‌మిష‌న్‌కు ఉర్ఫి జావెద్ నిన్న ఫిర్యాదు చేసింది. త‌న‌పై అనుచిత వ్యాఖ్య‌లు చేసిన వాఘ్‌పై చ‌ర్య‌లు తీసుకోవాల‌ని కోరింది.
