Meftal Side Effects | తలనొప్పి, కండరాల నొప్పి, కీళ్ల నొప్పి.. ఏదైనా దెబ్బ తగిలితే నొప్పి ఉంటుంది. దీని నివారణకు టాబ్లెట్లు వేస్తుంటారు.. వైద్య నిపుణులు రాసే ప్రిస్క్రిప్షన్ లేకుండా మాత్రలు మింగుతుంటారు. కానీ కొన్ని రకాల పెయిన్ కిల్లర్ టాబ్లెట్ల వల్ల ఆరోగ్యానికి ముప్పు ఉంటుందని వైద్యులు, రోగులకు కేంద్ర ప్రభుత్వ ఫార్మా స్టాండర్డ్ బాడీ ‘ఇండియన్ ఫార్మాకోపియా కమిషన్ (ఐపీసీ) అలర్ట్ జారీ చేసింది. ‘మెఫ్తాల్’ పేరుతో సర్వ సాధారణంగా వాడే మెఫెనామిక్ యాసిడ్ టాబ్లెట్. ఈ టాబ్లెట్ వాడటం వల్ల ఇసినోఫిలియా వంటి డ్రెస్ సిండ్రోమ్ సమస్యలు తలెత్తుతాయి.
ఈ టాబ్లెట్ను ఎక్కువగా మహిళలు నెలసరి సమయంలో వచ్చే నొప్పి నివారణకు, తల నొప్పి, కండరాల నొప్పి, కీళ్ల నొప్పులకు, పిల్లల్లో వచ్చే హై ఫీవర్ వంటి సమస్యలకు వాడుతుంటారు. డ్రెస్ సిండ్రోమ్ అంటే డ్రగ్ రాష్ విత్ ఇసినోఫిలియా అండ్ సిస్టమ్యాటిక్ సింప్టమ్స్.. అంటే తీవ్రమైన అలర్జీ సమస్య తలెత్తుతుంది. వివిధ అవయవాలపై ప్రతికూల ప్రభావం చూపుతుందని పేర్కొంది వివిధ ఔషధాలపై ప్రతికూల పరిస్థితులపై పర్యవేక్షణతోపాటు సమాచారం సేకరించే సంస్థే ‘ఫార్మాకోవిజిలెన్స్ ప్రోగ్రామ్ ఆఫ్ ఇండియా (పీవీపీఐ). కనుక ఈ ఔషధం వినియోగం, సిఫారసు విషయంలో జాగ్రత్తగా పరిశీలించాలని వైద్యులకు సూచించింది.