Goods train catches fire | గూడ్స్‌ రైలులో మంటలు.. ఒడిశాలోని బాలాసోర్‌లో సంఘటన

Goods train catches fire | ఒక గూడ్స్‌ రైలులో మంటలు చెలరేగాయి (Goods train catches fire). ఒడిశాలోని బాలాసోర్‌ జిల్లాలో ఈ సంఘటన జరిగింది. పశ్చిమ బెంగాల్‌ నుంచి ఒడిశాలోని బాలాసోర్‌కు బొగ్గు రవాణా చేస్తున్న గూడ్స్‌ రైలు శనివారం ఉదయం రూప్సా రైల్వే స్టేషన్‌ వద్ద ఆగింది.

భువనేశ్వర్‌: ఒక గూడ్స్‌ రైలులో మంటలు చెలరేగాయి (Goods train catches fire). ఒడిశాలోని బాలాసోర్‌ జిల్లాలో ఈ సంఘటన జరిగింది. పశ్చిమ బెంగాల్‌ నుంచి ఒడిశాలోని బాలాసోర్‌కు బొగ్గు రవాణా చేస్తున్న గూడ్స్‌ రైలు శనివారం ఉదయం రూప్సా రైల్వే స్టేషన్‌ వద్ద ఆగింది. ఈ సందర్భంగా ఒక గూడ్స్‌ వ్యాగన్‌ నుంచి పొగలు, మంటలు రావడాన్ని రైల్వే స్టేషన్‌ సిబ్బంది గమనించారు. అవి ఇతర వ్యాగన్లకు వ్యాపించకుండా ఉండేందుకు వెంటనే అగ్నిమాపక కేంద్రానికి సమాచారం ఇచ్చారు.

కాగా, అగ్నిమాపక వాహనాలతో సిబ్బంది ఆ రైల్వే స్టేషన్‌కు చేరుకున్నారు. గూడ్స్‌ రైలు వ్యాగన్‌లో చెలరేగిన మంటలను ఆర్పివేశారు. ఆ తర్వాత అంతా బాగానే ఉందని నిర్ధారించిన రైల్వే అధికారులు ఆ గూడ్స్‌ రైలు అక్కడి నుంచి గమ్యస్థానానికి వెళ్లేందుకు అనుమతించారు. అయితే బొగ్గు రవాణా చేస్తున్న ఆ గూడ్స్‌ రైలుకు మంటలు ఎలా వ్యాపించాయన్నది తెలియలేదు. గత శుక్రవారం మూడు రైళ్లు ఢీకొన్న బాలాసోర్‌ జిల్లాలో ఈ సంఘటన జరుగడంతో రైల్వే అధికారులు అప్రమత్తమయ్యారు. గూడ్స్‌ రైలులో చెలరేగిన మంటలను ఆర్పేందుకు వేగంగా స్పందించారు.

#WATCH | Odisha: Fire broke out in a compartment of goods train at Rupsa railway station in Balasore district. Cause of the fire is yet to be known. The fire was brought under control by the fire brigade pic.twitter.com/36lss3vbCn

— ANI (@ANI) June 10, 2023