Girl Attacked By Stray Dogs | బాలికపై వీధి కుక్కల దాడి.. కాపాడిన ఒక వ్యక్తి

Girl Attacked By Stray Dogs | ఒక బాలికపై వీధి కుక్కలు దాడి చేశాయి. (Girl Attacked By Stray Dogs) ఆ చిన్నారిని రోడ్డుపై ఈడ్చాయి. గమనించిన ఒక వ్యక్తి కుక్కల బారి నుంచి ఆ బాలికను కాపాడాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

లక్నో: ఒక బాలికపై వీధి కుక్కలు దాడి చేశాయి. (Girl Attacked By Stray Dogs) ఆ చిన్నారిని రోడ్డుపై ఈడ్చాయి. గమనించిన ఒక వ్యక్తి కుక్కల బారి నుంచి ఆ బాలికను కాపాడాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఉత్తరప్రదేశ్‌లోని అమ్రోహా జిల్లాలో ఈ సంఘటన జరిగింది. నగర్ కొత్వాలి ప్రాంతంలో వీధి కుక్కలు రెచ్చిపోయాయి. శుక్రవారం ఐదు కుక్కలు బాలికను వెంబడించాయి. దీంతో వాటి బారి నుంచి రక్షించుకునేందుకు ఆ చిన్నారి రోడ్డుపై పరుగులుతీసింది. అయినప్పటికీ ఆమె ప్రయత్నం ఫలించలేదు. కింద పడిన ఆ బాలికను కుక్కలు ఈడ్చాయి.

కాగా, బాలిక అరుపులు విన్న ఒక వ్యక్తి వెంటనే స్పందించాడు. పరుగున ఆ చిన్నారి వద్దకు వచ్చాడు. కుక్కలను అక్కడి నుంచి తరిమాడు. వాటి బారి నుంచి బాలికను కాపాడాడు. ఆ చిన్నారిని చేతుల్లోకి ఎత్తుకుని ఆమె తల్లికి అప్పగించాడు. ఇంతలో కొందరు స్థానికులు అక్కడకు వచ్చారు. కుక్కల దాడిలో గాయపడిన ఆ బాలికను ఆసుపత్రికి తరలించి చికిత్స అందించారు. మరోవైపు ఆ ప్రాంతంలోని సీసీటీవీలో రికార్డైన వీడియో క్లిప్‌ సోషల్‌ మీడియాలో వైరల్‌ అయ్యింది.

UP का अमरोहा…

सड़को पर "आवारा कुत्ते" यमदूत बनकर घूम रहे है.. अमरोहा मे इन कुत्तो ने 4 साल के मासूम बच्चे को अपना निवाला बना लिया। बच्चे की हालत गंभीर है.. दिल्ली रैफर किया गया है। #UttarPradesh pic.twitter.com/AGHcBCsqTF

— TRUE STORY (@TrueStoryUP) March 9, 2024