హైదరాబాద్: వ్యాపారవేత్త గౌతమ్ అదానీ (Gautam Adani)సంపద ఆవిరైపోయింది. నెల క్రితం 120 బిలియన్ల డాలర్లు ఉన్న ఆయన ఆస్తి విలువ(net worth).. ఇప్పుడు 50 బిలియన్ల డాలర్ల(Billion Dollars) లోపు పడిపోయింది. అమెరికాకు చెందిన హిండెన్బర్గ్ రీసర్చ్(HIndenbur Research) ఇచ్చిన నివేదికతో అదానీ ఆస్తులన్నీ కుదేలయ్యాయి. ప్రస్తుతం ఆయన ఆస్తి విలువ కేవలం 49.1 బిలియన్ల డాలర్లు అని బ్లూమ్బర్గ్ బిలియనీర్స్ ఇండెక్స్(Bloomberg Billionaires Index) డేటా ద్వారా తెలుస్తోంది.
హిండెన్బర్గ్ ఇచ్చిన రిపోర్టుతో అదానీ ఆస్తులు దారుణంగా పడిపోయాయి. స్టాక్ మార్కెట్లలో అదానీ కంపెనీలు నష్టాల్ని చవిచూశాయి. దీంతో నెల క్రితం ప్రపంచంలోనే మూడవ సంపన్న వ్యక్తిగా ఉన్న అదానీ.. ఇప్పుడు ఆ జాబితాలో చాలా కిందకు పడిపోయారు. అదానీ గ్రూపులోని ఏడు ప్రధాన కంపెనీలు మార్కెట్లో దాదాపు 120 బిలియన్ల డాలర్లు కోల్పోయినట్లు తెలుస్తోంది.
కేవలం నెలలోనే అదానీ సుమారు 71 బిలియన్ల డాలర్ల సంపదను కోల్పోయారు. టాప్ 500 మంది సంపన్న వ్యక్తుల జాబితాలో.. అతి త్వరగా సంపదను కోల్పోయిన వారిలో అదానీ నిలిచారు. బ్లూమ్బర్గ్ బిలియనీర్స్ ఇండెక్స్ జాబితా ప్రకారం అదానీ అత్యంత వేగంగా తన సంపదను కోల్పోయారు.