Cancer | క్యాన్సర్‌ రోగులక్‌ గుడ్‌న్యూస్‌.. త్వరలో అందుబాటులోకి వ్యాక్సిన్‌!

క్యాన్సర్‌ను నయం చేసే వ్యాక్సిన్‌ను బ్రిటన్‌ శాస్త్రవేత్తలు అభివృద్ధి చేశారు. కరోనా వ్యాక్సిన్‌ తయారీలో ఉపయోగించిన మెసెంజర్‌ ఆర్‌ఎన్‌ఏ(mRNA) సాంకేతికతనే ఇందులోనూ వినియోగించారు.

• బ్రిటన్‌లో రోగులపై క్లినికల్‌ ట్రయల్స్‌

Cancer | (స్పెషల్‌ టాస్క్‌ బ్యూరో) హైదరాబాద్‌ (నమస్తే తెలంగాణ): క్యాన్సర్‌ను నయం చేసే వ్యాక్సిన్‌ను బ్రిటన్‌ శాస్త్రవేత్తలు అభివృద్ధి చేశారు. కరోనా వ్యాక్సిన్‌ తయారీలో ఉపయోగించిన మెసెంజర్‌ ఆర్‌ఎన్‌ఏ(mRNA) సాంకేతికతనే ఇందులోనూ వినియోగించారు. గ్లోబల్‌ ట్రయల్స్‌లో భాగంగా బ్రిటన్‌లో క్యాన్సర్‌ రోగులపై ఈ వ్యాక్సిన్‌ను ప్రయోగించి మంచి ఫలితాలను సాధించినట్టు లండన్‌లోని ఇంపీరియల్‌ కాలేజీ పరిశోధకులు వెల్లడించారు.

ఊపిరితిత్తుల క్యాన్సర్‌, చర్మ క్యాన్సర్‌, ఇతర ఘన కణితుల క్యాన్సర్‌లకు వ్యతిరేకంగా వ్యాక్సిన్‌ సామర్థ్యం, సురక్షితను అధ్యయనం చేస్తున్నట్టు పరిశోధకులు వెల్లడించారు. ఎంఆర్‌ఎన్‌ఎ-4359 పేరుతో పిలవబడే ఈ టీకాను చర్మ క్యాన్సర్‌తో బాధపడుతున్న ఓ 81 ఏండ్ల వ్యక్తికి ఇవ్వగా.. సత్ఫలితాలు వచ్చినట్టు ప్రకటించారు. ఈ ప్రయోగ ఫలితాలు, భవిష్యత్‌లో క్యాన్సర్‌ చికిత్సలో విప్లవాత్మక మార్పును తీసుకురాబోతున్నట్లు పరిశోధకులు ప్రకటించారు. ఈ కొత్త టీకా క్యాన్సర్‌ రోగి శరీరంలోని సొంత రోగ నిరోధక వ్యవస్థను మెరుగు పరచడం వల్ల రక్షణ వ్యవస్థ మరింత బాగా పని చేస్తుందన్నారు.