Explosion | జమ్ముకశ్మీర్‌లో శివాలయం సమీపంలో పేలుళ్లు..

జమ్ముకశ్మీర్‌లోని పూంచ్‌ జిల్లాలో (Poonch) ఓ ఆలయం సమీపంలో పేలుడు (Explosion) సంభవించింది. జిల్లాలోని సురాన్‌కోట్‌ (Surankote) టౌన్‌లో ఉన్న శివాలయం (Shiv Mandir) సమీపంలో ఈ ఘటన చోటుచేసుకున్నది.

పూంచ్‌: జమ్ముకశ్మీర్‌లోని పూంచ్‌ జిల్లాలో (Poonch) ఓ ఆలయం సమీపంలో పేలుడు (Explosion) సంభవించింది. జిల్లాలోని సురాన్‌కోట్‌ (Surankote) టౌన్‌లో ఉన్న శివాలయం (Shiv Mandir) సమీపంలో ఈ ఘటన చోటుచేసుకున్నది. బుధవారం రాత్రి 8.20 గంటల సమయంలో శివాలయం సమీపంలో ఉన్న బస్‌స్టాండ్‌ వద్ద భారీ పేలుడు సంభవించిందని పోలీసులు తెలిపారు. దీంతో హుటాహుటిన పోలీసులు, భద్రతా బలగాలు ఘటనా స్థలానికి చేరుకున్నాయని చెప్పారు.

కాగా, ఇది ఎలాంటి పేలుడు అనే విషయంపై ఇంకా స్పష్టత రానప్పటికీ.. దుండగులు గ్రెనేడ్‌ విసినట్లు (Grenade attack) పోలీసులు ప్రాథమికంగా అంచనా వేశామన్నారు. పేలుడు ధాటికి ఆలయ గోడలు పాక్షికంగా ధ్వంసమయ్యాయని చెప్పారు. ఫోరెన్సిక్‌ నిపుణులు ఆధారాలు సేకరిస్తున్నారని వెల్లడించారు. ఈ ఘటనకు పాల్పడింది ఎవరనే విషయం దర్యాప్తులో తేలుతుందన్నారు. కాగా, పేలుళ్ల వల్ల ఎవరికి హాని జరుగలేదని తెలిపారు.