Stomach Pain: క‌డుపులో న‌ట్లు, బోల్టులు, వైర్లు.. స‌ర్జ‌రీ చేసి తీసిన డాక్ట‌ర్లు

Stomach Pain: చిత్ర‌విచిత్ర‌మైన వ‌స్తువుల్ని ఓ వ్య‌క్తి క‌డ‌పులోంచి తీశారు. నొప్పి త‌ట్టుకోలేక‌పోతున్న ఆ వ్య‌క్తి డాక్ట‌ర్లు ఆశ్ర‌యించాడు. అత‌ని స‌ర్జ‌రీ చేసి క‌డుపులో నుంచి ఇయ‌ర్‌ఫోన్స్‌, వాష‌ర్స్‌, న‌ట్స్‌, బోల్టులు, వైర్లు, రాఖీలు, లాకెట్స్‌, బ‌ట‌న్స్‌, వ్రాప‌ర్స్‌, హెయిర్ క్లిప్‌ల‌ను తీశారు. ఈ ఘ‌ట‌న పంజాబ్‌లో జ‌రిగింది.

చండీఘ‌డ్‌: రెండేళ్ల నుంచి క‌డుపు నొప్పి(Stomach Pain)తో బాధ‌ప‌డుతున్న ఓ వ్య‌క్తి క‌డుపులోంచి విచిత్ర‌మైన వ‌స్తువుల్ని డాక్ట‌ర్లు స‌ర్జ‌రీ చేసి తీశారు. ఈ ఘ‌ట‌న పంజాబ్‌లోని మోగాలో జ‌రిగింది. ఆ న‌గ‌రంలో ఉన్న మెడిసిటీ హాస్పిట‌ల్‌లో అత‌నికి చికిత్స చేశారు. తీవ్ర‌మైన జ్వ‌రం, క‌డుపు నొప్పితో 40 ఏళ్ల వ్య‌క్తి హాస్పిట‌ల్‌కు వెళ్లాడు. నొప్పి ఎక్కువ‌గా ఉంద‌న‌డంతో.. అత‌నికి ఎక్స్ రే తీశారు. ఆ రిపోర్టు చూసిన డాక్ట‌ర్లు ఖంగుతిన్నారు. ఆ వ్య‌క్తి క‌డుపులో ఉన్న వ‌స్తువుల్ని చూసి షాక్ అయ్యారు. ఆ పేటెంట్ క‌డుపులో అన్నీ మెట‌ల్ వ‌స్తువులు ఉన్న‌ట్లు నిర్ధార‌ణ‌కు వ‌చ్చారు. సుమారు మూడు గంట‌ల పాటు శ‌స్త్ర‌చికిత్స చేసి అత‌ని క‌డుపు నుంచి ఆ ఐట‌మ్స్ తీశారు.

ఆ పేషెంట్ క‌డుపులో ఇయ‌ర్‌ఫోన్స్‌, వాష‌ర్స్‌, న‌ట్స్‌, బోల్టులు, వైర్లు, రాఖీలు, లాకెట్స్‌, బ‌ట‌న్స్‌, వ్రాప‌ర్స్, హెయిర్‌క్లిప్‌లు, జిప్ప‌ర్ ట్యాగ్‌, సెఫ్టీ ఫిన్‌లు ఉన్న‌ట్లు గుర్తించారు. ఇలాంటి కేసును ఆప‌రేట్ చేయ‌డం ఇదే తొలిసారి అని డాక్ట‌ర్ అజ్మీర్ క‌ల్రా తెలిపారు. ఆ పేషెంట్ శ‌రీరం నుంచి అన్ని వ‌స్తువుల్ని తీసివేసినా.. అత‌ని ఆరోగ్యం నిల‌క‌డ‌గా లేద‌న్నారు. ఖ‌నిజ వ‌స్తువులు చాన్నాళ్ల నుంచి అత‌ని క‌డుపులో ఉన్న కార‌ణంగా.. అత‌ని ఆరోగ్యంపై ప్ర‌భావం ప‌డిందని డాక్టర్లు తెలిపారు. ఆ వ్య‌క్తి ఎందుకు ఆ వ‌స్తువుల్ని మింగాడో అర్థం కావ‌డం లేద‌ని ఫ్యామిలీ స‌భ్యులు తెలిపారు. అయితే అత‌ను గ‌త కొన్నాళ్ల నుంచి మాన‌సిక‌మైన స‌మ‌స్య‌ల‌తో బాధ‌ప‌డుతున్న‌ట్లు తెలుస్తోంది.