Nagaland: నాగాలాండ్‌లో క‌ల్తీ మ‌ద్యం తాగి 19 మంది మృతి.. ముఠా గుట్టు విప్పేందుకు సిట్ ఏర్పాటు

Nagaland: నాగాలాండ్‌లో క‌ల్తీ మ‌ద్యం తాగి మృతిచెందిన వారి సంఖ్య 19కి చేరింది. దీంతో ఈ ఘ‌ట‌న‌పై పోలీసులు ద‌ర్యాప్తును ముమ్మరం చేశారు. క‌ల్తీ మ‌ద్యం స‌ర‌ఫ‌రా చేస్తున్న ముఠాను ప‌ట్టుకునేందుకు సిట్ ఏర్పాటు చేశారు.

కోహిమా: నాగాలాండ్‌(Nagaland)లో క‌ల్తీ మ‌ద్యం తాగి మృతిచెందిన వారి సంఖ్య 19కి చేరింది. దీంతో ఈ ఘ‌ట‌న‌పై పోలీసులు ద‌ర్యాప్తును ముమ్మరం చేశారు. క‌ల్తీ మ‌ద్యం స‌ర‌ఫ‌రా చేస్తున్న ముఠాను ప‌ట్టుకునేందుకు ఆప‌రేష‌న్ చేప‌ట్టారు. గ‌త రెండు రోజుల నుంచి రెండు జిల్లాల్లో మృతుల సంఖ్య అధికంగా ఉన్న‌ది. మోకాక్‌చుంగ్‌లో 8 మంది, టున్‌సాంగ్‌లో 11 మంది మృతిచెందారు. క‌ల్తీ మ‌ద్యం ముఠాను ప‌ట్టుకునేందుకు నాగా పోలీసులు సిట్ ఏర్పాటు చేశారు. న‌కిలీ మ‌ద్యం ఎక్క‌డ నుంచి స‌ర‌ఫ‌రా అవుతుందో తేల్చేందుకు ఆ సిట్ ప్ర‌త్యేక ఆప‌రేష‌న్ చేప‌ట్టింది.

అద‌న‌పు ఎస్పీ ఐ బుంగ్‌లాండ్ చాంగ్ , సీనియ‌ర్ ఎస్పీ వెసుప్రా కీజో నేతృత్వంలో ప‌నిచేయ‌నున్న‌ది. అనుమానిత లిక్క‌ర్ శ్యాంపిళ్ల‌ను ఫోరెన్సిక్ ప‌రీక్ష కోసం గౌహ‌తికి పంపించారు. ఈ కేసులో కొన్ని ఆధారాలు దొరికాయ‌ని, కానీ ఆ వివ‌రాల‌ను ఇప్పుడే వెల్ల‌డించ‌లేమ‌ని అధికారులు చెప్పారు. మృతుల సంఖ్య పెరగ‌డంతో.. ప‌లు ప్ర‌దేశాల్లో త‌నిఖీలు నిర్వ‌హించారు. క‌ల్తీ మ‌ద్యంతో లింకున్న సుమారు 19 మందిని అరెస్టు చేశారు. మూడు వేల బాటిళ్ల మ‌ద్యాన్ని సీజ్ చేశారు. వాస్త‌వానికి నాగాలాండ్‌లో 1990 నుంచి మ‌ద్య నిషేధం అమ‌లులో ఉన్న‌ది.