భోపాల్: తాగిన మత్తులో అమ్మాయిలు నానా రచ్చ చేశారు. పబ్ బయట ఒకరినొకరు తన్నుకున్నారు. నలుగురు అమ్మాయిలు కలిసి మరో అమ్మాయిపై బెల్ట్లు, చెప్పులతో దాడి చేశారు. కర్రలతో దారుణంగా కొట్టారు. అమ్మాయిల గొడవను అక్కడున్నవారందరూ సినిమా చూసినట్లు చూశారు. ఈ వీడియో క్లిప్ సోషల్ మీడియాలో వైరల్ అయ్యింది. మధ్యప్రదేశ్లోని ఇండోర్లో ఈ సంఘటన జరిగింది. బూతులు తిడుతూ ఆమె జుట్టు లాగి, కిందపడేసి కొట్టారు. ఆ మహిళ సహాయం కోసం కేకలు వేసినప్పటికీ అక్కడున్న వారు ఎవరూ కూడా పట్టించుకోలేదు. కనీసం ఆ కొట్లాటను ఆపుదామని ఎవరూ ముందుకు రాలేదు. కళ్లప్పగించి అమ్మాయిల ఫైటింగ్ను తమాషా చేసినట్లు చూశారు.
కాగా, ఈ వీడియో క్లిప్ సోషల్ మీడియాలో వైరల్ అయ్యింది. దీంతో ఇండోర్ పోలీసులు దీనిపై స్పందించారు. మహిళను దారుణంగా కొట్టిన నలుగురు మహిళలపై కేసు నమోదు చేసి దర్యాప్తు చేస్తున్నారు. అయితే ఆ మహిళపై వారు దాడి చేయడానికి కారణం ఏమిటన్నది తెలియలేదు.
उड़ता इंदौर.. नशे में धुत्त लड़कियों का पब के बाहर मारपीट का वायरल वीडियो @IndoreCollector @hariips @drnarottammisra pic.twitter.com/jcSKohDEve
— Brajesh Rajput (@brajeshabpnews) November 7, 2022