Watch: మద్యం మత్తులో మహిళ హంగామా.. పోలీసులపై దాడి, వీడియో వైరల్‌

Drunk Woman created ruckus | మద్యం మత్తులో ఉన్న ఒక మహిళ హంగామా చేసింది (Drunk Woman created ruckus). అదుపులోకి తీసుకునేందుకు ప్రయత్నించిన పోలీసులను అసభ్యంగా తిట్టడంతోపాటు వారిపై దాడి చేసింది. ఈ నేపథ్యంలో మహిళా పోలీసులను రప్పించి అతికష్టంతో ఆమెను అరెస్ట్‌ చేశారు.

అహ్మదాబాద్‌: మద్యం మత్తులో ఉన్న ఒక మహిళ హంగామా చేసింది (Drunk Woman created ruckus). అదుపులోకి తీసుకునేందుకు ప్రయత్నించిన పోలీసులను అసభ్యంగా తిట్టడంతోపాటు వారిపై దాడి చేసింది. ఈ నేపథ్యంలో మహిళా పోలీసులను రప్పించి అతికష్టంతో ఆమెను అరెస్ట్‌ చేశారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. గుజరాత్‌లోని వడోదరలో ఈ సంఘటన జరిగింది. ఆదివారం రాత్రి ఫుల్‌గా మద్యం సేవించిన ఒక మహిళ కారు డ్రైవ్‌ చేసింది. ఈ నేపథ్యంలో ఒక వాహనాన్ని ఢీకొట్టింది.

కాగా, ఈ సమాచారం అందుకున్న పోలీసులు సంఘటనా స్థలానికి చేరుకున్నారు. అయితే మద్యం మత్తులో ఉన్న ఆ మహిళ పోలీసులను అసభ్యంగా తిట్టింది. అదుపులోకి తీసుకునేందుకు ప్రయత్నించిన వారిపై దాడి చేసింది. దీంతో మహిళా పోలీసులను రప్పించారు. వారి సహాయంతో ఆమెను బలవంతంగా కారు నుంచి కిందకు దించారు. పోలీస్‌ వాహనంలోకి ఎక్కించబోయిన మహిళా పోలీసులను కూడా ఆమె కొట్టింది. చివరకు ఆమెను పోలీస్‌ స్టేషన్‌కు తరలించారు.

మరోవైపు మద్యం సేవించి వాహనం నడపడం, గందరగోళం సృష్టించడం, పోలీస్‌ విధులకు ఆటంకం కలిగించడం వంటి సెక్షన్ల కింద పోలీసులు కేసు నమోదు చేశారు. హంగామా చేసిన ఆ మహిళను ప్రముఖ నెయిల్ ఆర్టిస్ట్‌గా గుర్తించారు. కాగా, కొందరు వ్యక్తులు తమ మొబైల్‌ ఫోన్లలో రికార్డ్‌ చేసిన ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

Woman caught in drink and drive Part 2 –
byu/arxym invadodara