11 మందికే అనుమతి

ప్రధాన ఎన్నికల కమిషనర్‌ రాజీనామాను డిమాండ్‌ చేస్తూ ఈ నెల 16న నిర్వహించే ఆందోళనకు భారీగా పౌరులు తరలి రావాలని సీజేపీ పిలుపునిచ్చిన క్రమంలో అధికారులు అప్రమత్తం అయ్యారు.

న్యూఢిల్లీ: ప్రధాన ఎన్నికల కమిషనర్‌ రాజీనామాను డిమాండ్‌ చేస్తూ ఈ నెల 16న నిర్వహించే ఆందోళనకు భారీగా పౌరులు తరలి రావాలని సీజేపీ పిలుపునిచ్చిన క్రమంలో అధికారులు అప్రమత్తం అయ్యారు. శుక్రవారం నాటి నిరసనకు పౌరులు తరలి రావద్దని ఢిల్లీ పోలీసులు గురువారం విజ్ఞప్తి చేశారు. ఆ రోజు కన్నాట్‌ ప్లేస్‌లోని సెంట్రల్‌ పార్క్‌లో తగిన ప్రదేశంలో జాతీయ జెండాలను పట్టుకుని జాతీయగీతం పాడేందుకు 11 మంది బృందానికి తాము సౌకర్యాలు కల్పించగలమని, ఈ నిరసనలో ప్రజలు పాల్గొనవద్దని వారు కోరారు. కన్నాట్‌ప్లేస్‌, పరిసరాల్లో 163 సెక్షన్‌ కింద నిషేధాజ్ఞలు అమలులో ఉన్నాయని పేర్కొన్నారు. ఈ ఆజ్ఞలు ఉల్లంఘించిన వారిపై చట్టపరమైన చర్యలు తప్పవని హెచ్చరించారు.