Delhi Police | కేంద్ర బ‌ల‌గాల‌ను ఈ నెల 20 వ‌ర‌కు ఉప‌సంహ‌రించొద్దు.. హోంశాఖ‌కు ఢిల్లీ పోలీసుల లేఖ‌

Delhi Police | ఆందోళనలు ఇంకా కొన‌సాగుతున్న‌ నేపథ్యంలో కేంద్ర సాయుధ పోలీసు బలగాల (CAPF) ల‌ను ఇప్పుడే ఉససంహ‌రించ‌వ‌ద్ద‌ని, కేంద్ర బ‌లగాల‌ మోహరింపును ఈ నెల 20 వరకు పొడిగించాలని ఢిల్లీ పోలీసులు (Delhi Police) కోరారు. ఈ మేరకు కేంద్ర హోంశాఖ (Union Home Ministry) కి లేఖ రాశారు.

Delhi Police : ఆందోళనలు ఇంకా కొన‌సాగుతున్న‌ నేపథ్యంలో కేంద్ర సాయుధ పోలీసు బలగాల (CAPF) ల‌ను ఇప్పుడే ఉససంహ‌రించ‌వ‌ద్ద‌ని, కేంద్ర బ‌లగాల‌ మోహరింపును ఈ నెల 20 వరకు పొడిగించాలని ఢిల్లీ పోలీసులు (Delhi Police) కోరారు. ఈ మేరకు కేంద్ర హోంశాఖ (Union Home Ministry) కి లేఖ రాశారు. ఈ విష‌యాన్ని ఢిల్లీ ఉన్న‌తాధికారులు మంగళవారం వెల్లడించారు.

ఆందోళనలు పెరిగే అవకాశం ఉందనే నిఘావర్గాల సమాచారం మేరకు ఈ నిర్ణయం తీసుకున్నట్లు తెలిపారు. శాంతిభద్రతలను కాపాడటంతోపాటు ఉద్రిక్తతలకు తావులేకుండా ఉండేందుకే గడువు పెంచాలని కోరినట్లు చెప్పారు. కాగా ప్రస్తుతం విధుల్లో ఉన్న 273 కంపెనీల బలగాల మోహరింపు గడువు సోమవారంతో ముగిసింది. మ‌రోవైపు జంతర్‌మంత‌ర్‌, ఎన్నికల సంఘం కార్యాలయం, పార్లమెంట్ హౌస్, ఇండియా గేట్ వంటి ప్రాంతాల్లో నిరసనలు మరింత తీవ్రమమ్యే అవకాశం ఉంది.

ఈ 273 సీఏపీఎఫ్‌ కంపెనీల మోహరింపును పొడిగించాలని పోలీసులు త‌మ‌ లేఖలో పేర్కొన్నారు. నిరసనల నేపథ్యంలో ఢిల్లీలో మొత్తం 301 కంపెనీల సీఏపీఎఫ్‌ బలగాలకు అనుమతి లభించింది. అక్టోబర్‌ 6న 221 కంపెనీలకు, 8న మరో 80 కంపెనీలకు ఆమోదం తెలపడంతో ఆ కంపెనీలు విధుల్లో పాల్గొన్నాయి. అదనంగా మంజూరైన 80 బలగాల్లో 28 సోమవారం నాటికి ఢిల్లీకి చేరుకోలేదు.